കൊടുങ്ങല്ലൂർ : ശ്രീകുരുംബ ഭഗവതി ക്ഷേത്രത്തിലെ ഈ വർഷത്തെ താലപ്പൊലി മഹോത്സവം ജനുവരി 14,15,16,17 എന്നീ തീയതികളിൽ കൊച്ചിൻ ദേവസ്വം ബോർഡിന്റെ നേതൃത്വത്തിൽ ആഘോഷിക്കും. 4 ദിവസത്തെ താലപ്പൊലി ആഘോഷവും ദേവസ്വം നേരിട്ടാണ് നടത്തുന്നത്. ക്ഷേത്രത്തിലെ താലപ്പൊലി മഹോത്സവം ദേവസ്വം നേരിട്ട് നടത്തുന്നതിനാൽ സംഘടനകൾക്കോ വ്യക്തികൾക്കോ സംഭാവനകൾ സമാഹരിക്കുന്നതിന് അനുവാദം നൽകിയിട്ടില്ല.

എന്നാൽ ഇതുമായി ബന്ധപ്പെട്ട് ചില സാമുദായിക സംഘടനകൾ സംഭാവനകൾ സ്വീകരിക്കുന്നുണ്ടെന്നും ഭക്തജനങ്ങൾക്കിടയിൽ തെറ്റിദ്ധാരണ സൃഷ്ടിക്കുന്ന ഇത്തരം സംഘടനകൾക്കെതിരെയും വ്യക്തികൾക്കെതിരെയും കർശന നിയമ നടപടികൾ സ്വീകരിക്കുമെന്നും കൊച്ചിൻ ദേവസ്വം ബോർഡ് സെക്രട്ടറി അറിയിച്ചു.