ചേർപ്പ് : മുല്ലനേഴി അഖില കേരള നാടക മത്സരത്തിന്റെ സാംസ്‌കാരിക സമ്മേളനം സംഗീത സംവിധായകൻ നടേഷ് ശങ്കർ ഉദ്ഘാടനം ചെയ്തു. വി.കെ. ശശിധരൻ അദ്ധ്യക്ഷനായി. സാഹിത്യകാരി മനീഷ മുകേഷ്‌ലാൽ മുഖ്യാതിഥിയായിരുന്നു. മുൻകാല നാടക പ്രവർത്തകരെ ചടങ്ങിൽ ആദരിച്ചു. ചിത്രകലാ അദ്ധ്യാപകൻ സി.ആർ. പ്രകാശ് സദസിലിരുന്ന് വേദിയിലെ പ്രമുഖരുടെ ചിത്രങ്ങൾ വരച്ചു. സൂര്യ ഷോബി, ജോയ് പയ്യപ്പള്ളി, ശ്രീജിത്ത്, പ്രസാദ്, മേഴ്‌സി ആന്റണി, സി.ടി. ഷാജു എന്നിവർ സംസാരിച്ചു.