പാവറട്ടി: ഭീഷണിപ്പെടുത്തി സ്വർണം കവർന്ന സംഘത്തെ പാവറട്ടി പൊലീസ് അറസ്റ്റ് ചെയ്തു. പറപ്പൂർ പൊറുത്തൂർ വീട്ടിൽ ലിയോ (26), പോന്നോർ മടിശ്ശേരി വീട്ടിൽ ആയുഷ് (19), പാടൂർ ചുള്ളിപറമ്പിൽ ദിവ്യ (26) എന്നിവരാണ് അറസ്റ്റിലായത്. മുല്ലശ്ശേരി പഞ്ചായത്ത് നിവാസിയായ യുവതിയെ ഫോട്ടോ കാണിച്ച് ഭീഷണിപ്പെടുത്തിയതിനെ തുടർന്ന് നൽകിയ പരാതിയിലാണ് പാവറട്ടി എസ്.എച്ച്.ഒ: ആന്റണി ജോസഫ് നെറ്റോ, എസ്.ഐമാരായ വിനോദ്, സജീവ്, സി.പി.ഒമാരായ വിനീത്, ജയകൃഷ്ണൻ എന്നിവരടങ്ങിയ സംഘം അറസ്റ്റ് ചെയ്തത്. പ്രതികളെ കോടതി റിമാൻഡ് ചെയ്തു.