തിരുവനന്തപുരം: വയനാട് ദുരന്തത്തോടനുബന്ധിച്ചുള്ള സഹായനിഷേധം ഉൾപ്പെടെ കേന്ദ്രസർക്കാർ കേരളത്തോട് കാണിക്കുന്ന വിവേചനത്തിനെതിരെ 5ന് രാജ്ഭവന് മുന്നിൽ എൽ.ഡി.എഫ് സംഘടിപ്പിക്കുന്ന സമരം സി.പി.എം സംസ്ഥാന സെക്രട്ടറി എം.വി.ഗോവിന്ദൻ ഉദ്ഘാടനം ചെയ്യും.രാവിലെ 10.30 മുതൽ ഉച്ചയ്ക്ക് 1വരെയാണ് സമരം.

തിരുവനന്തപുരത്ത് രാജ്ഭവന് മുന്നിലും മറ്റ് ജില്ലകളിൽ കേന്ദ്രസർക്കാർ സ്ഥാപനങ്ങൾക്ക് മുന്നിലുമാണ് സമരം.കൊല്ലത്ത് ടി.പി.രാമകൃഷ്ണൻ,പത്തനംതിട്ട മാത്യു.ടി.തോമസ്,ആലപ്പുഴ പി.കെ.ശ്രീമതി,കോട്ടയം ഡോ.എൻ.ജയരാജ്,ഇടുക്കി അഡ്വ.കെ.പ്രകാശ് ബാബു,എറണാകുളം പി.സി.ചാക്കോ,തൃശ്ശൂർ കെ.പി.രാജേന്ദ്രൻ,പാലക്കാട് എ.വിജയരാഘവൻ,മലപ്പുറം എളമരം കരീം,കോഴിക്കോട് ശ്രേയാംസ്‌കുമാർ,വയനാട് അഹമ്മദ് ദേവർകോവിൽ,കണ്ണൂർ ഇ.പി.ജയരാജൻ,കാസർകോട് ഇ.ചന്ദ്രശേഖരൻ എന്നിവർ ഉദ്ഘാടനം ചെയ്യുമെന്ന് എൽ.ഡി.എഫ് കൺവീനർ ടി.പി.രാമകൃഷ്ണൻ അറിയിച്ചു.