തിരുവനന്തപുരം: കരുതലും കൈത്താങ്ങും എന്ന പേരിൽ മന്ത്രിമാരുടെ നേതൃത്വത്തിൽ നടത്തുന്ന താലൂക്കുതല പരാതി പരിഹാര അദാലത്ത് 9 മുതൽ 17 വരെ നടക്കും. ഇതിനായുള്ള പരാതികളും അപേക്ഷകളും ഡിസംബർ 6 വരെ https://karuthal.kerala.gov.in ലൂടെയോ അക്ഷയകേന്ദ്രങ്ങൾ മുഖേനയോ താലൂക്ക് ആസ്ഥാനങ്ങളിലൂടെയോ നൽകാം.

ഭൂമി സംബന്ധമായ വിഷയങ്ങൾ, വയോജന സംരക്ഷണം, വന്യജീവി ആക്രമണം, നഷ്ടപരിഹാരം അടക്കം 21 വിഷയങ്ങളിലാണ് പരാതി സ്വീകരിക്കുന്നത്.

പൊലീസ് കേസുകൾ, ചികിത്സാ സഹായം, റവന്യു റിക്കവറി, വായ്പ എഴുതിത്തള്ളൽ, ഭൂമി തരംമാറ്രം, പട്ടയം, ലൈഫ് മിഷൻ, ജോലി ആവശ്യപ്പെട്ടുള്ളവ, പി.എസ്.സി സംബന്ധമായവ, മുഖ്യമന്ത്രിയുടെ ദുരിതാശ്വാസ നിധിയിൽ നിന്നുള്ള സഹായം തുടങ്ങിയ വിഷയങ്ങൾ അദാലത്തിൽ പരിഗണിക്കില്ല.

പരാതി നൽകാവുന്ന വിഷയങ്ങൾ

ഭൂമി സംബന്ധമായ വിഷയങ്ങൾ (പോക്ക് വരവ്, അതിർത്തി നിർണ്ണയം, ഭൂമി കൈയേറ്റം, തർക്കങ്ങൾ, വഴി തടസപ്പെടുത്തൽ, അനധികൃത നിർമ്മാണം), സർട്ടിഫിക്കറ്റുകൾ / ലൈസൻസുകൾ നൽകുന്നതിലെ കാലതാമസം/ നിരസിക്കൽ, കെട്ടിട നമ്പർ, നികുതി, വയോജന സംരക്ഷണം, പട്ടികജാതി/പട്ടികവർഗ്ഗ വിഭാഗങ്ങൾക്കുള്ള ആനുകൂല്യങ്ങൾ, മത്സ്യത്തൊഴിലാളികളുമായി ബന്ധപ്പെട്ടവ, ശാരീരിക/ ബുദ്ധി/ മാനസിക വെല്ലുവിളി നേരിടുന്നുവരുടെ പുനരധിവാസം, ധനസഹായം, പെൻഷൻ, പരിസ്ഥിതി മലിനീകരണം/ മാലിന്യസംസ്‌കരണം, പൊതുജലസ്രോതസുകളുടെ സംരക്ഷണം, കുടിവെള്ള വിതരണം, റേഷൻകാർഡ്, കാർഷിക വിളകളുടെ സംഭരണവും വിതരണവും, വിള ഇൻഷ്വറൻസ്, വളർത്തുമൃഗങ്ങൾക്കുള്ള നഷ്ടപരിഹാരം/ സഹായം, ഭക്ഷ്യസുരക്ഷയുമായി ബന്ധപ്പെട്ടവ, വ്യവസായ സംരംഭങ്ങൾക്കുള്ള അനുമതി, ആരോഗ്യ സ്ഥാപനങ്ങളിലെ വിഷയങ്ങൾ, വന്യജീവി ആക്രമണങ്ങളിൽ സംരക്ഷണം/ നഷ്ടപരിഹാരം, സ്‌കോളർഷിപ്പുകൾ, തണ്ണീർത്തട സംരക്ഷണം, അപകടകരങ്ങളായ മരങ്ങൾ മുറിച്ചുമാറ്റുന്നത്, എൻഡോസൾഫാൻ ദുരിതബാധിതരുടെ വിഷയങ്ങൾ, പ്രകൃതി ദുരന്തങ്ങൾക്കുള്ള നഷ്ടപരിഹാരം.

താലൂക്ക് തല അദാലത്ത് തീയതി

 തിരുവനന്തപുരം- 9

 നെയ്യാറ്റിൻകര- 10

 നെടുമങ്ങാട് -12

 ചിറയിൻകീഴ്- 13

 വർക്കല- 16

 കാട്ടാക്കട- 17