തിരുവനന്തപുരം: സ്മാർട്ട് സിറ്റി റോഡ് നവീകരണത്തിന്റെ ഭാഗമായി ജനറൽ ആശുപത്രിക്ക് മുന്നിലും വഞ്ചിയൂർ റോഡിലും പൈപ്പ് പണി നടക്കുന്നതിനാൽ നാളെ രാവിലെ 10 മുതൽ 7ന് രാവിലെ 10 വരെ ജലവിതരണം നിറുത്തിവയ്ക്കും.പഴക്കമേറിയ 450 എം.എം കാസ്റ്റ് അയൺ പൈപ്പ്‌ലൈൻ ഡികമ്മിഷൻ ചെയ്യൽ, ജനറൽ ആശുപത്രി- വഞ്ചിയൂർ റോഡിൽ 300 എം.എം ഡി.ഐ പൈപ്പ്, മെയിൻ റോഡിലെ 500 എം.എം കാസ്റ്റ് അയൺ പൈപ്പുമായി ബന്ധിപ്പിക്കൽ, ജനറൽ ആശുപത്രിയിലേക്കുള്ള വിതരണം മെച്ചപ്പെടുത്തൽ എന്നിവയാണ് നടക്കുന്നത്.

പണി നടക്കുന്നതിനാൽ വെള്ളയമ്പലം, ശാസ്തമംഗലം, കവടിയാർ, പൈപ്പിന്മൂട്, ഊളൻപാറ, നന്തൻകോട്, ജവഹർനഗർ, ആൽത്തറ, സി.എസ്.എം നഗർ, വഴുതക്കാട്, കോട്ടൺഹിൽ, ഡി.പി.ഐ ജംഗ്ഷന്റെ സമീപപ്രദേശങ്ങൾ, ഇടപ്പഴഞ്ഞി, കെ.അനിരുദ്ധൻ റോഡ്, ജഗതി, തൈക്കാട്, മേട്ടുക്കട, വലിയശാല, പാളയം, സ്റ്റാച്യു, എം.ജി.റോഡ്, സെക്രട്ടേറിയറ്റ്, പുളിമൂട്, എ.കെ.ജി സെന്ററിന്റെ സമീപപ്രദേശങ്ങൾ, പി.എം.ജി, ലാ കോളേജ്, കുന്നുകുഴി, ജനറൽ ഹോസ്പിറ്റൽ, തമ്പുരാൻമുക്ക്, വഞ്ചിയൂർ, ഋഷിമംഗലം, ചിറകുളം, പാറ്റൂർ, കുമാരപുരം, അണമുഖം, കണ്ണമ്മൂല, തേക്കുംമൂട്, പൊട്ടക്കുഴി, മുറിഞ്ഞപാലം, പൂന്തി റോഡ്, നാലുമുക്ക്, ഒരുവാതിൽക്കോട്ട, ആനയറ, കടകംപള്ളി, കരിക്കകം, വെൺപാലവട്ടം, പേട്ട, പാൽക്കുളങ്ങര, പെരുന്താന്നി, ചാക്ക, ആൾസെയിന്റ്സ്, ശംഖുംമുഖം, വേളി, പൗണ്ട്കടവ്, സൗത്ത് തുമ്പ എന്നിവിടങ്ങളിലെ ജലവിതരണം നിറുത്തിവയ്ക്കും.