ആറ്റിങ്ങൽ: തദ്ദേശ സ്വയംഭരണ തിരഞ്ഞെടുപ്പിൽ ജനസംഖ്യാനുപാതിക പ്രാതിനിദ്ധ്യം ഉറപ്പാക്കാൻ രാഷ്ട്രീയ കക്ഷികൾ നടപടി കൈക്കൊള്ളണമെന്ന് എസ്.എൻ.ഡി.പി യോഗം ആറ്റിങ്ങൽ യൂണിയൻ പ്രസിഡന്റ് എസ്. ഗോകുൽദാസ് ആവശ്യപ്പെട്ടു. ആറ്റിങ്ങലിൽ യൂണിയൻ യൂത്ത്മൂവ്മെന്റ് നേതൃസംഗമം ഉദ്ഘാടനം ചെയ്യുകയായിരുന്നു അദ്ദേഹം. കഴിഞ്ഞ കാലങ്ങളിൽ ഈഴവ മഹാഭൂരിപക്ഷ പ്രദേശങ്ങളിലും സമുദായാംഗങ്ങളെ ഒഴിവാക്കി സീറ്റുകൾ വീതംവച്ചു. രാഷ്ട്രീയ പാർട്ടികളുടെ ഈ നിലപാടുകളെ വരുന്ന തിരഞ്ഞെടുപ്പിൽ ശക്തമായി എതിർക്കും. ഇതിന്റെ മുന്നോടിയായി സംഘടനാ തലത്തിൽ കുടുംബസംഗമങ്ങൾ നടത്തി ബോധവത്കരണം സംഘടിപ്പിക്കുമെന്നും അദ്ദേഹം പറഞ്ഞു. യൂണിയൻ യൂത്ത്മൂവ്മെന്റ് പ്രസിഡന്റ് ദീപു പാണാച്ചേരി അദ്ധ്യക്ഷത വഹിച്ചു. യൂണിയൻ സെക്രട്ടറി ഇൻ ചാർജ് ദഞ്ചുദാസ് ചെറുവള്ളിമുക്ക്,കൗൺസിലർമാരായ സുധീർ.കെ,എസ്.സുജാതൻ,റോയൽ അജി,അജു കൊച്ചാലുംമൂട്,ഷാജി.സി,ബി.കെ.സുരേഷ് ബാബു,യൂത്ത്മൂവ്മെന്റ് ജോയിന്റ് സെക്രട്ടറിമാരായ ജയപ്രസാദ്,റോയ് പാൽ,അഭിലാഷ് ദിനേശ്,സൂരജ്,സെക്രട്ടറി അയ്യപ്പദാസ് ചന്ദ്രൻ,വൈസ് പ്രസിഡന്റ് ശ്രീജിത്ത് ഊരുപൊയ്ക തുടങ്ങിയവർ പങ്കെടുത്തു.