പാറശാല: പാറശാല ബ്ലോക്ക് പഞ്ചായത്തിന്റെ ആഭിമുഖ്യത്തിൽ ആരംഭിച്ച വനിത ജിംനേഷ്യം "ശാക്തിക" ലോക വനിത ബോക്‌സിംഗ് ചാമ്പ്യനും ധ്യാൻചന്ദ് അവാർഡ് ജോതാവുമായ ലേഖ.കെ.സി ഉദ്‌ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് എസ്.കെ.ബെൻഡാർവിൻ അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് എ.അൽവേഡിസ, ബ്ലോക്ക് പഞ്ചായത്ത് സ്ഥിരംസമിതി അദ്ധ്യക്ഷരായ വിനിത കുമാരി, എസ്.ആര്യദേവൻ, ബ്ലോക്ക് പഞ്ചായത്ത് അംഗങ്ങളായ വൈ.സതീഷ്, ജെ.സോണിയ, എം.കുമാർ, രേണുക, എം.ഷിനി, ശാലിനി സുരേഷ്, അനിഷ സന്തോഷ്, ബി.ഡി.ഒ ചിത്ര.കെ.പി എന്നിവർ സംസാരിച്ചു.