തിരുവനന്തപുരം: കേരള നിയമസഭ സംഘടിപ്പിക്കുന്ന അന്താരാഷ്ട്ര പുസ്തകോത്സവത്തിന്റെ മൂന്നാം പതിപ്പിനോടനുബന്ധിച്ച് ഇന്ന് വനിതകൾ മാത്രം പങ്കെടുക്കുന്ന മാതൃകാ നിയമസഭ സംഘടിപ്പിക്കും.രാവിലെ 10.30ന് മന്ത്രി ഡോ.ആർ.ബിന്ദു മാതൃകാ നിയമസഭ ഉദ്ഘാടനം ചെയ്യും.നിയമസഭാ സ്പീക്കർ എ.എൻ.ഷംസീർ അദ്ധ്യക്ഷത വഹിക്കും.ഡെപ്യൂട്ടി സ്പീക്കർ ചിറ്റയം ഗോപകുമാർ സ്വാഗതം പറയും.ഈ വർഷത്തെ മാതൃകാ നിയമസഭയിലെ എല്ലാ അംഗങ്ങളും വനിതകളായിരിക്കണമെന്ന സ്പീക്കറുടെ നിർദ്ദേശത്തെ തുടർന്ന് ജില്ലയിലെ സർക്കാർ, എയ്ഡഡ്, സ്വാശ്രയ മേഖലയിലുള്ള കോളേജുകളിൽ നിന്ന് രജിസ്റ്റർ ചെയ്ത വിദ്യാർത്ഥിനികളിൽ നിന്ന് തിരഞ്ഞെടുത്തവർക്ക് നിയമസഭാമന്ദിരത്തിൽ പരിശീലനം നൽകിയിരുന്നു.വനിതകൾ മാത്രം പങ്കെടുക്കുന്ന മാതൃകാ നിയമസഭ, ഗവ. സെക്രട്ടേറിയറ്റിലെ പഴയ നിയമസഭാ ഹാളിലാണ് നടത്തുന്നത്.