തിരുവനന്തപുരം : നഗരത്തിൽ സ്ഥിരതാമസമായവരും സമൂഹത്തിന് വിവിധ മേഖലകളിൽ സ്തുത്യർഹമായ സേവനം നൽകിയവരുമായ മുതിർന്ന വ്യക്തിത്വങ്ങളെ നഗര രത്ന അവാർഡ് നൽകി നഗരസഭ ആദരിക്കുന്നു. പൊതുപ്രവർത്തനം,​സാഹിത്യം,​സിനിമ,​ആരോഗ്യം,​പത്രപ്രവർത്തനം,​സംഗീതം,​പരിസ്ഥിതി,​കായികം എന്നീ മേഖലകളിൽ പ്രാവീണ്യം തെളിയിച്ചവരെയാണ് അവാർഡിന് പരിഗണിക്കുന്നത്.

നഗരവാസികൾക്ക് അവാർഡിന് പരിഗണിക്കേണ്ടവരെ നാമനിർദ്ദേശം ചെയ്യാം. ഒരാൾക്ക് ഒരു മേഖലയിൽ നിന്ന് ഒരാളെ നിർദ്ദേശിക്കാം. 22നകം നാമനിർദ്ദേശം ചെയർമാൻ,​വികസന സ്റ്റാൻഡിംഗ് കമ്മിറ്റി,​തിരുവനന്തപുരം എന്ന വിലാസത്തിൽ ലഭ്യമാക്കണം. 25,000 രൂപയും ഫലകവും പ്രശസ്തിപത്രവും അടങ്ങുന്നതാണ് അവാർഡ്. പ്രൊഫ.വി.കാർത്തികേയൻ നായർ ചെയർമാനും പ്രൊഫ.എ.ജി.ഒലീന,​വയോജന വാർത്ത എഡിറ്റർ എം.വിജയകുമാരൻ പൂജപ്പുര എന്നിവർ അംഗങ്ങളുമായ ജൂറിയാണ് ജേതാക്കളെ തിരഞ്ഞെടുക്കുന്നത്.