തിരുവനന്തപുരം: ദേവാശ്രമം ചാരിറ്റബിൾ ട്രസ്‌റ്റിന്റെ നേതൃത്വത്തിൽ 26 മുതൽ ജനുവരി 1 വരെ കോട്ടുകാൽ തെങ്കവിള ക്ഷേത്രത്തിൽ നടക്കുന്ന കൽക്കി മഹായാഗത്തിന്റെ സ്വാഗതസംഘം ഓഫീസ് ഉദ്ഘാടനം കിഴക്കേകോട്ട ശ്രീപദ്‌മനാഭസ്വാമി ക്ഷേത്ര വടക്കേ നട ശ്രീരാമസ്വാമി കോവിൽ സ്ട്രീറ്റിൽ നടന്നു. വാസുദേവ വിലാസം ഡയറക്ടർ ഡോ.പ്രദീപ് ജ്യോതി ഭദ്രദീപം തെളിച്ചു. ആദ്യ അർച്ചന കൂപ്പൺ വൃന്ദ അജയകുമാർ ഏറ്റുവാങ്ങി. ട്രസ്‌റ്റ് എക്സിക്യുട്ടീവ് ഡയറക്ടർ ആർ.ഗോപാലകൃഷ്‌ണപിള്ള,ട്രസ്‌റ്റ് ചെയർമാൻ പി.ആർ.മോഹനൻ,സൂര്യദേവ്,ഗോപാൽ. ജി,വനിതാ സംഘം കൺവീനർ ഗോമതിഅമ്മ,ചെന്തിട്ട ഹരിസ്വാമി, നെയ്യാറ്റിൻകര പുരുഷോത്തമൻ, മീഡിയ ചെയർമാൻ ഡി. അജിത് കുമാർ എന്നിവർ പങ്കെടുത്തു.