തിരുവനന്തപുരം: പ്രേംനസീർ സുഹൃത് സമിതിയുടെ ദൃശ്യമാദ്ധ്യമ പുരസ്കാരങ്ങൾ ഭാരത് ഭവനിൽ നടന്ന ചടങ്ങിൽ ഡെപ്യൂട്ടി സ്പീക്കർ ചിറ്റയം ഗോപകുമാർ നൽകി. മികച്ച സീരിയലായി തിരഞ്ഞെടുത്ത കൗമുദി ടിവിയിലെ വസുധയുടെ നിർമ്മാതാവ് കിഷോർ കരമനയും സംവിധായകൻ ടി.എസ്.സുരേഷ് ബാബുവും പുരസ്‌കാരവും ഏറ്റുവാങ്ങി. ഫ്ളവേഴ്സ് ടിവിയുടെ സുരഭിയും സുഹാസിനിയിലൂടെ മികച്ച സംവിധായകനായി തിരഞ്ഞെടുത്ത രാജേഷ് തലച്ചിറ,വയലാർ മാധവൻ കുട്ടി,സീമ.ജി.നായർ എന്നിവർ സമഗ്ര സംഭാവനയ്ക്കുള്ള പുരസ്‌കാരങ്ങൾ ഏറ്റുവാങ്ങി. സംവിധായകൻ മധുപാൽ,ഡോ.പ്രമോദ് പയ്യന്നൂർ,നടൻ എം.ആർ.ഗോപകുമാർ,പ്രേംനസീർ സുഹൃത് സമിതി സംസ്ഥാന സെക്രട്ടറി തെക്കൻ സ്റ്റാർ ബാദുഷ,ജ്യൂറി ചെയർമാൻ ബാലു കിരിയത്ത്,ജ്യൂറി അംഗങ്ങളായ അജയ് തുണ്ടത്തിൽ,സബീർ തിരുമല,വാഴമുട്ടം ചന്ദ്രബാബു,റഹീം പനവൂർ,പ്രസിഡന്റ് പനച്ചുമൂട് ഷാജഹാൻ തുടങ്ങിയവർ പങ്കെടുത്തു.