ആറ്റിങ്ങൽ: നഗരസഭാ കേരളോത്സവത്തിന്റെ കലാമത്സരങ്ങളുടെ ഉദ്ഘാടനം ചെയർപേഴ്സൺ അഡ്വ. എസ്.കുമാരി നിർവഹിച്ചു. യുവജനക്ഷേമ സാംസ്കാരിക വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ എസ്.ഗിരിജ അദ്ധ്യക്ഷത വഹിച്ചു.ക്ഷേമകാര്യസ്റ്റാൻഡിംഗ് കമ്മിറ്റി ചെയർമാൻ എ.നജാം, ആരോഗ്യ സ്റ്റാൻഡിംഗ് കമ്മിറ്റി ചെയർപേഴ്സൺ രമ്യ സുധീർ,കൗൺസിലർ ജി.എസ്.ബിനു, കലാവിഭാഗം ജനറൽ കൺവീനർ എസ്.സതീഷ് കുമാർ, യൂത്ത് കോ-ഓർഡിനേറ്റർ ആർ.രാജേഷ്, പബ്ലിക് ഹെൽത്ത് ഇൻസ്പെക്ടർ അനിൽ.വി എന്നിവർ പങ്കെടുത്തു. മുപ്പത്തിമൂന്ന് ഇനങ്ങളിലായി നടന്ന മത്സരങ്ങളിൽ 200 പരം മത്സരാർത്ഥികൾ പങ്കെടുത്തു.കലാകായികമത്സരങ്ങളിൽ ഒന്നും രണ്ടും സ്ഥാനങ്ങൾ കരസ്ഥമാക്കിയവർക്ക് സർട്ടിഫിക്കറ്റും ട്രോഫികളും ഇന്ന് രാവിലെ 10ന് മുനിസിപ്പൽ അങ്കണത്തിൽ കൂടുന്ന യോഗത്തിൽ ഒ.എസ്.അംബിക എം.എൽ.എ വിതരണം ചെയ്യും.