ചിറയിൻകീഴ്: എസ്.എൻ.ഡി.പി യോഗം ചിറയിൻകീഴ് യൂണിയന്റെ നേതൃത്വത്തിൽ 25ന് ശിവഗിരിയിലേക്ക് നടത്തുന്ന തീർത്ഥാടന വിളംബര പദയാത്രികർക്ക് പഞ്ചശുദ്ധി പീതാംബരദീക്ഷ സമർപ്പണം ഭക്തിനിർഭരമായി നടന്നു. ശാർക്കര ശ്രീനാരായണ ഗുരുക്ഷേത്ര മണ്ഡപത്തിൽ ക്ഷേത്രാചാര്യൻ തിരുനെല്ലൂർ കാശിമഠം പി.ബിജു പോറ്റി മുഖ്യ കാർമ്മികത്വം വഹിച്ചു. ആദ്യ പീതാംബര ദീക്ഷ എസ്.എൻ ട്രസ്റ്റ് ലൈഫ് മെമ്പർ ഡോ.ബി.സീരപാണിക്ക് കെട്ടി ബിജുപോറ്റി നിർവഹിച്ചു. ചിറയിൻകീഴ് എസ്.എൻ.ഡി.പി യൂണിയൻ പ്രസിഡന്റ് സി.വിഷ്ണുഭക്തൻ അദ്ധ്യക്ഷത വഹിച്ചു. എസ്.എൻ ട്രസ്റ്റ് ലൈഫ് മെമ്പർ ആർ.എസ്.ഗാന്ധി കടയ്ക്കാവൂർ,യൂണിയൻ സെക്രട്ടറി ശ്രീകുമാർ പെരുങ്ങുഴി, വൈസ് പ്രസിഡന്റ് പ്രദീപ് സഭവിള, യോഗം ഡയറക്ടർ അഴൂർ ബിജു, കൗൺസിലർ ഡി.ചിത്രാംഗദൻ, എസ്.എൻ ട്രസ്റ്റ് ബോർഡ് അംഗങ്ങളായ ബൈജു തോന്നയ്ക്കൽ, സന്തോഷ് പുതുക്കരി, പി.എസ്.ചന്ദ്ര സേനൻ, കെ.പുഷ്കരൻ, ജിജു പെരുങ്ങുഴി, നിമ്മി ശ്രീജിത്ത്, ബാലാനന്ദൻ കടകം, വനിതാസംഘം യൂണിയൻ ട്രഷറർ ഉദയകുമാരി വക്കം, ജോയിന്റ് സെക്രട്ടറി ശ്രീജ അജയൻ, സഭവിള ശ്രീനാരായണാശ്രമം പ്രസിഡന്റ് ഷീല മനോഹരൻ,സെക്രട്ടറി വിജയ അനിൽകുമാർ, ഗുരുക്ഷേത്ര വനിത ഭക്തജനസമിതി സെക്രട്ടറി ബീന ഉദയകുമാർ, ശാഖായോഗം ഭാരവാഹികളായ ഗോപിനാഥൻ തെറ്റിമൂല, സത്യപാലൻ, രാജൻ കൃഷ്ണപുരം, ജയൻ കോളിച്ചിറ, സാംബശിവൻ, മിനി, ഗുരുക്ഷേത്ര കാര്യദർശി ജി ജയചന്ദ്രൻ എന്നിവർ പങ്കെടുത്തു. താലൂക്കിലെ വിവിധ ശാഖാ യോഗങ്ങളിൽ നിന്നും നൂറുക്കണക്കിനു ഗുരുവിശ്വാസികൾ ദീക്ഷ സമർപ്പണ ചടങ്ങിൽ പങ്കെടുത്തു. 25ന് രാവിലെ 8വരെ ശാർക്കര ഗുരുക്ഷേത്രത്തിൽ നിന്നും 23വരെ സഭവിള ശ്രീനാരായണാശ്രമത്തിലും രാവിലെയും വൈകിട്ടും പൂജാ സമയങ്ങളിൽ വിശ്വാസികൾക്ക് പീതാംബരദീക്ഷ അതതു ക്ഷേത്ര മേൽശാന്തിയിൽ നിന്ന് സ്വീകരിക്കാനുള്ള ക്രമീകരണങ്ങൾ ഒരുക്കിയിട്ടുണ്ടെന്ന് വിളംബര പദയാത്ര സ്വാഗതസംഘം ജനറൽ കൺവീനർ ശ്രീകുമാർ പെരുങ്ങുഴി അറിയിച്ചു. ഫോൺ: 94470 44220.

ക്യാപ്ഷൻ: ചിറയിൻകീഴ് ശാർക്കര ശ്രീനാരായണ ഗുരുക്ഷേത്ര മണ്ഡപത്തിൽ ശിവഗിരി തീർത്ഥാടകർക്കായുള്ള പഞ്ചശുദ്ധി പീതാംബര ദീക്ഷ സമർപ്പണം ക്ഷേത്രാചാര്യൻ തിരുനെല്ലൂർ കാശിമഠം പി.ബിജു പോറ്റി ഗുരുക്ഷേത്ര പ്രസിഡന്റ് ഡോ.ബി.സീരപാണിക്ക് കെട്ടി നിർവഹിക്കുന്നു. സി.വിഷ്ണുഭക്തൻ, ഗാന്ധി കടയ്ക്കാവൂർ, പ്രദീപ് സഭവിള, ശ്രീകുമാർ പെരുങ്ങുഴി തുടങ്ങിയവർ സമീപം