വെഞ്ഞാറമൂട് :നെല്ലനാട് ഗ്രാമ പഞ്ചായത്ത് വനിതാ ജംഗ്ഷൻ പരിപാടി ഇന്ന് ഉച്ചയ്ക്ക് 2ന് വെഞ്ഞാറമൂട് കെ.എസ്.ആർ.ടി.സി സ്റ്റാൻഡിലെ പ്രത്യേക വേദിയിൽ നടക്കും.റൂറൽ എസ്.പി കിരൺനാരായൺ ഉദ്ഘാടനം ചെയ്യും.പഞ്ചായത്ത് പ്രസിഡന്റ് ബിനാ രാജേന്ദ്രൻ അദ്ധ്യക്ഷത വഹിക്കും.മാദ്ധ്യമ പ്രവർത്തക സിന്ധു ശ്രീകുമാർ മുഖ്യ പ്രഭാഷണം നടത്തും.സിനിമാ ആർട്ടിസ്റ്റ് മീരാ അനിൽ മുഖ്യാതിഥിയായിരിക്കും.ബ്ലോക്ക് പഞ്ചായത്ത് പ്രസിഡന്റ് ജി.കോമളം,ജില്ലാ പഞ്ചായത്ത് അംഗം കെ.ഷീലാ കുമാരി, രമണി. പി .നായർ,ഗോകുലം മെഡിക്കൽ കോളേജ് പ്രിൻസിപ്പൽ ഡോ.നന്ദിനി വി.ആർ,ഗീത.കെ.എസ്,ഡോ.ആശ നജീബ് എന്നിവർ പങ്കെടുക്കും.ചടങ്ങിൽ വിവിധ മേഖലകളിൽ കഴിവ് തെളിയിച്ച വനിതകളെ ആദരിക്കും.ഫ്ലാഷ് മോബ്,വാഹന പ്രചാരണ ജാഥ തുടങ്ങിയവ സംഘടിപ്പിച്ചിട്ടുണ്ട്.