തിരുവനന്തപുരം: വിവിധ ആവശ്യങ്ങളുന്നയിച്ച് കേരള കോ-ഓപ്പറേറ്റീവ് സർവീസ് പെൻഷണേഴ്സ് അസോസിയേഷൻ സഹകരണ പെൻഷൻ ബോർഡിന് മുന്നിൽ മാർച്ചും ധർണയും നടത്തി. സംസ്ഥാന പ്രസിഡന്റ് എം. സുകുമാരൻ ഉദ്ഘാടനം ചെയ്തു. ജില്ലാ പ്രസിഡന്റ് വി. ഗിരീശൻ അദ്ധ്യക്ഷത വഹിച്ചു. സംസ്ഥാന സെക്രട്ടറി എസ്. ഉമാചന്ദ്രബാബു, കെ. സദാശിവൻ നായർ, കെ. രാജാറാം തമ്പി, മുജീബ് റഹുമാൻ, ജി. വേണുഗോപാൽ, ടി. അനിൽതമ്പി, വി. പ്രകാശ്, എൻ. പങ്കജാക്ഷൻ, എ. അബ്ദുൽ സലാം, എസ്. രത്നമണി, കെ. വിജയകുമാരൻ നായർ എന്നിവർ സംസാരിച്ചു. ജില്ലാ സെക്രട്ടറി കെ. വിജയൻ സ്വാഗതവും താലൂക്ക് പ്രസിഡന്റ് ബി. രവീന്ദ്രൻ നായർ നന്ദിയും പറഞ്ഞു.

വിവിധ കളക്ടറേറ്റിലേക്കുള്ള മാർച്ചിന് സംസ്ഥാന വൈസ് പ്രസിഡന്റുമാരായ പി.വി. ഭാസ്കരൻ, ടി.കെ. ജോസ്, സി.എൽ. റാഫേൽ, സെക്രട്ടറിമാരായ സി.കെ. ഗോപാലകൃഷ്ണൻ, എം. ഗോപാലകൃഷ്ണൻ, എൻ.ജി. ശശിധരൻ, ഏലിയ പി. വർക്കി എന്നിവർ നേതൃത്വം നൽകി.