ശ്രീകാര്യം : മഹാകവി കുമാരനാശാന്റെ ചരമശതാബ്ധി ആചരണത്തിന്റെ ഭാഗമായി ചെമ്പഴന്തി ശ്രീനാരായണ അന്താരാഷ്ട്ര കൺവെൻഷൻ സെന്ററിൽ 'ശ്രീനാരായണ ഗുരുദർശനവും കുമാരനാശാൻ കവിതയും" എന്ന വിഷയത്തിൽ സെമിനാർ സംഘടിപ്പിക്കുന്നു. തോന്നയ്ക്കൽ കുമാരനാശാൻ ദേശീയസാംസ്കാരിക ഇൻസ്റ്റിറ്റ്യൂട്ട്, ചെമ്പഴന്തി ശ്രീനാരായണ പഠന തീർത്ഥാടന കേന്ദ്രവുമായി ചേർന്നാണ് സെമിനാർ നടത്തുന്നത്. ശനിയാഴ്ച രാവിലെ 10 ന് ആശാൻ സ്മാരക ചെയർമാൻ പ്രൊഫ.വി.മധുസൂദനൻ നായരുടെ അദ്ധ്യക്ഷതയിൽ കടകംപളളി സുരേന്ദ്രൻ എം.എൽ.എ സെമിനാർ ഉദ്ഘാടനം ചെയ്യും. ശ്രീനാരായണ ധർമ്മ സംഘം ട്രസ്റ്റ് ജനറൽ സെക്രട്ടറി സ്വാമി ശുഭാംഗാനന്ദ മുഖ്യ അതിഥിയായിരിക്കും. ഡോ.എം.എ. സിദ്ദിഖ്, ഡോ.സി.ഉദയകല എന്നിവർ പ്രഭാഷണം നടത്തും. പഠന തീർത്ഥാടന കേന്ദ്രം ഡയറക്‌ടർ പ്രൊഫ.എസ്. ശിശുപാലൻ, ഇൻസ്റ്റിറ്റ്യൂട്ട് സെക്രട്ടറി വി.ജയപ്രകാശ്, തിരുവനന്തപുരം ജില്ലാപഞ്ചായത്ത് പൊതുമരാമത്ത് സ്റ്റാൻഡിംഗ് കമ്മിറ്റി ചെയർമാൻ എം.ജലീൽ, കൗൺസിലർ ചെമ്പഴന്തി ഉദയൻ, പോത്തൻകോട് ബ്ലോക്ക് പഞ്ചായത്ത് പ്രസിഡന്റ് ടി.ആർ.ഹരിപ്രസാദ്, വീണാബാബു, ഡോ.അജിൽ കെ, അരുൺ വട്ടവിള, ബി. വിമൽകുമാർ തുടങ്ങിയവർ പങ്കെടുക്കും. സെമിനാറിനെ തുടർന്ന് ഉച്ചക്ക് 2.30ന് കാഥികൾ വെണ്മണി രാജു അവതരിപ്പിക്കുന്ന കഥാപ്രസംഗം.