പോത്തൻകോട്: എസ്.എൻ.ഡി.പി യോഗം പോത്തൻകോട് ശാഖയിലെ ശ്രീനാരായണഗുരുദേവ പഞ്ചലോഹ വിഗ്രഹ പ്രതിഷ്ഠാവാർഷിക സമ്മേളനം വി.ജോയി എം.എൽ.എ ഉദ്ഘാടനം ചെയ്തു. നെയ്യാറ്റിൻകര ഡി.വൈ.എസ്.പി എസ്. ഷാജി വിശിഷ്ട വ്യക്തികളെ ആദരിച്ചു. ചെമ്പഴന്തി ഗുരുകുലം യൂണിയൻ പ്രസിഡന്റ് മഞ്ഞമല സുബാഷ് മുഖ്യപ്രഭാഷണം നടത്തി. ഉച്ചയ്ക്ക് ഗുരുദേവ പ്രസാദ വിതരണം നടന്നു. വൈകിട്ട് നടന്ന പൊതുസമ്മേളനം യോഗം അസിസ്റ്റന്റ് സെക്രട്ടറി കെ.എ. ബാഹുലേയൻ ഉദ്ഘാടനം ചെയ്തു. ശാഖാ പ്രസിഡന്റ് എസ്. രാജേന്ദ്രൻ അദ്ധ്യക്ഷത വഹിച്ചു. സെക്രട്ടറി എച്ച്. ഉദയകുമാർ സ്വാഗതം പറഞ്ഞു. ചെമ്പഴന്തി ഗുരുകുലം യൂണിയൻ വൈസ് പ്രസിഡന്റ് എൻ. സുധീന്ദ്രൻ,യോഗം ഡയറക്ടർ ബോർഡ് അംഗം വി.മധുസൂദനൻ, യൂണിയൻ വനിതാസംഘം പ്രസിഡന്റ് വി.പത്മിനി,സെക്രട്ടറി ഷീബ.പി.ആർ,യൂണിയൻ യൂത്ത് മൂവ്മെന്റ് സെക്രട്ടറി അരുൺ.എം.എൽ തുടങ്ങിയവർ സംസാരിച്ചു. ശാഖാവൈസ് പ്രസിഡന്റ് ജി.ശിവദാസൻ നന്ദി പറഞ്ഞു.