തിരുവനന്തപുരം: ഭാരതീയ വിദ്യാഭവൻ അഖിലേന്ത്യാ അടിസ്ഥാനത്തിൽ നടത്തുന്ന ഇക്കഴിഞ്ഞ വർഷത്തെ (2023-24)ജേർണലിസം കോഴ്‌സിന്റെ അന്തിമഫല പ്രഖ്യാപനത്തിൽ തിരുവനന്തപുരം കേന്ദ്രത്തിന് സുവർണനേട്ടം. ഒന്നും രണ്ടും റാങ്കുൾപ്പെടെ ആദ്യ അഞ്ചു സ്ഥാനങ്ങളിൽ മൂന്നെണ്ണം കരസ്ഥമാക്കിയാണ് തിരുവനന്തപുരം ഭവൻസ് ഒന്നാമതെത്തിയത്. 93 ശതമാനം മാർക്കോടെ ഒന്നാം റാങ്കും കുലപതി ഗോൾഡ് മെഡലും ഗംഗസതീഷ് സ്വന്തമാക്കി.92 ശതമാനം മാർക്കോടെ സൗമ്യ ജെ.വി രണ്ടാംസ്ഥാനവും സിൽവർ മെഡലും സ്വന്തമാക്കി.വിഷയാധിഷ്ഠിത മേഖലയിൽ ജേർണലിസ്റ്റിക് റൈറ്റിംഗിൽ 94 ശതമാനം മാർക്കോടെ പോത്തൻ ജോസഫ് മെമ്മോറിയൽ സിൽവർ മെഡൽ അനീസ.എ കരസ്ഥമാക്കി. ജനുവരി 15ന് പൂജപ്പുരയിലുള്ള കോളേജ് അങ്കണത്തിൽ നടക്കുന്ന ചടങ്ങിൽ അവാർഡുകൾ വിതരണം ചെയ്യും.ഭാരതീയ വിദ്യാഭവൻ ചെയർമാൻ ടി.ബാലകൃഷ്ണൻ ഐ.എ.എസ് (റിട്ട ) അദ്ധ്യക്ഷനാകും.