സുൽത്താൻ ബത്തേരി: പി.ഗഗാറിന് ഒരു തവണ കൂടി വയനാട് ജില്ലാ സെക്രട്ടറിയാകാൻ സാദ്ധ്യത നിലനിൽക്കെ അപ്രതീക്ഷിത നീക്കത്തിലൂടെയാണ് ഡി.വൈ.എഫ്‌.ഐ ജില്ലാ സെക്രട്ടറി കെ.റഫീഖ് വയനാട് ജില്ലാ സെക്രട്ടറിയായത്. ജില്ലാ സെക്രട്ടറിയായി ഗഗാർ വീണ്ടും തിരഞ്ഞെടുക്കപ്പെടാനുള്ള സാദ്ധ്യത നിലനിൽക്കെയാണ് അവസാന നിമിഷം റഫീഖിന്റെ പേര് വന്നത്. ഭൂരിപക്ഷം പേരും റഫീഖിനൊപ്പം നിന്നതോടെ ഐക്യകണ്‌ഠേന തിരഞ്ഞെടുത്തതായി പ്രഖ്യാപിക്കുകയായിരുന്നു. രണ്ടു പേർ മത്സര രംഗത്തുണ്ടെന്ന് അറിയിച്ചതോടെയാണ് സംസ്ഥാന നേതൃത്വം പുതിയ ജില്ലാ കമ്മിറ്റി അംഗങ്ങളുടെ അഭിപ്രായം തേടിയത്. ഭൂരിപക്ഷം പേരും പി.ഗഗാറിനെ കൈവിട്ടു. ഞായറാഴ്ച രാത്രിയോടെ തന്നെ പാനൽ തയ്യാറായിരുന്നു. ഇന്നലെ ജില്ലാ സമ്മേളനത്തിൽ പുതിയ കമ്മിറ്റിയെ പ്രഖ്യാപിച്ചു. 27 അംഗ ജില്ലാ കമ്മറ്റിയിൽ 21 പേർ പിന്തുണച്ചതോടെയാണ് കെ.റഫീഖ് തിരഞ്ഞടുക്കപ്പെട്ടത്.

ലോക്സഭ,നിയമസഭ തിരഞ്ഞെടുപ്പുകളിൽ പാർട്ടിയുടെ മോശം പ്രകടനം,മുണ്ടക്കൈ,ചൂരൽമല ഉരുൾ ദുരന്തത്തിലെ ഇടപെടൽ,രാത്രിയാത്ര,ബദൽറോഡ്,റെയിൽവേ,വന്യമൃഗശല്യം തുടങ്ങിയ വിഷയങ്ങളിലുണ്ടായ വീഴ്ച ഗഗാറിന് തിരിച്ചടിയായി. പാർട്ടി നേതൃത്വത്തിലുള്ള ബ്രഹ്മഗിരി ഡെവലപ്പ്‌മെന്റ് സൊസൈറ്റിയിലെ നിക്ഷേപകർക്ക് പണം തിരികെ കൊടുക്കുന്ന കാര്യത്തിൽ ജില്ലാ നേതൃത്വം കാണിച്ച അലംഭാവം സമ്മേളനത്തിന്റെ ആദ്യ ദിനം തന്നെ രൂക്ഷമായ വിമർശനങ്ങൾക്ക് വഴിവച്ചു. ഇത് ജില്ലാസെക്രട്ടറി തിരഞ്ഞടുപ്പിലും പ്രതിഫലിച്ചു. 27 ജില്ലാ കമ്മിറ്റിയെയും എട്ടംഗ സംസ്ഥാന സമ്മേളന പ്രതിനിധികളെയും സമ്മേളനം തിരഞ്ഞെടുത്തു.

നിലവിൽ ജില്ലാ കമ്മിറ്റി അംഗങ്ങളായ പി.ഗഗാറിൻ,ഒ.ആർ.കേളു,പി.വി.സഹദേവൻ,വി.വി.ബേബി,എ.എൻ.പ്രഭാകരൻ,കെ.റഫീഖ്,പി.കെ.സുരേഷ്,വി.ഉഷാകുമാരി,കെ.സുഗതൻ, വി.ഹാരീസ്, കെ.എം.ഫ്രാൻസീസ് ,പി.ആർ.ജയപ്രകാശ്, സുരേഷ് താളൂർ, ബീന വിജയൻ, പി.വാസുദേവൻ, എം.സെയ്ത്, ജോബിസൺ ജെയിംസ്, എ.ജോണി, എം.എസ്.സുരേഷ്ബാബു, രുഗ്മിണി സുബ്രഹ്മണ്യൻ, പി.ടി.ബിജു, എം.മധു എന്നിവരെ വീണ്ടും തിരഞ്ഞെടുത്തു. പി.കെ.രാമചന്ദ്രൻ, സി.യൂസഫ്, എൻ.പി.കുഞ്ഞുമോൾ, പി.എം.നാസർ, ടി.കെ.പുഷ്പൻ എന്നിവരാണ് പുതുമുഖങ്ങൾ.

2021ലെ ജില്ലാ സമ്മേളനത്തിൽ ഏരിയാ സെക്രട്ടറിമാരായി തെരഞ്ഞെടുക്കപ്പെട്ട സി.യൂസഫ്,എൻ.പി.കുഞ്ഞുമോൾ എന്നിവർ ഈ ജില്ലാ സമ്മേളനത്തിലാണ് ജില്ലാ കമ്മിറ്റിയിലേക്ക് വന്നത്. സംസ്ഥാന സമ്മേളന പ്രതിനിധികളായി കെ.റഫീഖ്, വി.വി.ബേബി, പി.വി.സഹദേവൻ, എ.എൻ.പ്രഭാകരൻ, പി.കെ.സുരേഷ്, ബീന വിജയൻ, പി.വാസുദേവൻ, സുരേഷ് താളൂർ എന്നിവരെ തിരഞ്ഞെടുത്തു.

അ​ന്ന് ​കെ.​ശ​ശാ​ങ്ക​ൻ:
ഇ​ന്ന് ​പി.​ഗ​ഗാ​റിൻ

​സി.​പി.​എം​ ​പ​തി​നാ​ലാം​ ​ജി​ല്ലാ​ ​സ​മ്മേ​ള​ന​ത്തി​ൽ​ ​കെ.​ശ​ശാ​ങ്ക​ന് ​പ​റ്റി​യ​ത് ​ഇ​ന്ന് 16ാം​ ​ജി​ല്ലാ​ ​സ​മ്മേ​ള​ന​ത്തി​ൽ​ ​പി.​ഗ​ഗാ​റി​നും​ ​സം​ഭ​വി​ച്ചു.​ ​കെ.​ശ​ശാ​ങ്ക​നെ​ ​ജി​ല്ലാ​ ​സെ​ക്ര​ട്ട​റി​യാ​ക്കാ​ൻ​ ​നേ​ര​ത്തെ​ ​തീ​രു​മാ​ന​മു​ണ്ടാ​യി​രു​ന്നെ​ങ്കി​ലും​ ​തി​ര​ഞ്ഞെ​ടു​പ്പ് ​സ​മ​യ​ത്ത് ​പി.​ഗ​ഗാ​റി​ന്റെ​ ​പേ​രു​ ​കൂ​ടി​ ​മ​ത്സ​ര​ത്തി​ലേ​യ്ക്ക് ​ഉ​യ​ർ​ത്തി​ ​കൊ​ണ്ടു​ ​വ​രു​ക​യാ​യി​രു​ന്നു.
അം​ഗ​ങ്ങ​ളു​ടെ​ ​അ​ഭി​പ്രാ​യം​ ​ആ​രാ​ഞ്ഞ​പ്പോ​ൾ​ ​ഗ​ഗാ​റി​ന് ​ഭൂ​രി​പ​ക്ഷം​ ​ക​ണ്ട​തോ​ടെ​ ​കെ.​ശ​ശാ​ങ്ക​ൻ​ ​പി​ൻ​വാ​ങ്ങി.​ ​സ​മാ​ന​ ​സ്ഥി​തി​യാ​ണ് ​ഇ​ന്ന​ലെ​ ​ന​ട​ന്ന​ ​ജി​ല്ലാ​ ​സെ​ക്ര​ട്ട​റി​ ​തെ​ര​ഞ്ഞെ​ടു​പ്പി​ൽ​ ​ക​ണ്ട​ത്.​ ​കെ.​ശ​ശാ​ങ്ക​ൻ​ ​സെ​ക്ര​ട്ട​റി​ ​സ്ഥാ​ന​ത്തേ​യ്ക്ക് ​വ​രാ​തി​രി​ക്കാ​ൻ​ ​അ​ന്ന് ​ഗ​ഗാ​റി​ന്റെ​ ​പേ​ര് ​നി​ർ​ദ്ദേ​ശി​ച്ച​ ​അ​തേ​യാ​ൾ​ ​ത​ന്നെ​യാ​ണ് ​ഇ​ന്ന് ​പി.​ഗ​ഗാ​റി​ൻ​ ​വ​രാ​തി​രി​ക്കാ​നും​ ​ക​രു​ക്ക​ൾ​ ​നീ​ക്കി​യ​തെ​ന്നാ​ണ് ​അ​റി​യു​ന്ന​ത്.