ആലപ്പുഴ: കേന്ദ്രസർക്കാരിന്റെ ജനവിരുദ്ധ നയങ്ങൾ തിരുത്തുക, കേരളത്തോടുള്ള അവഗണന അവസാനിപ്പിക്കുക, ദേശീയ വിദ്യാഭ്യാസ നയം 2020 തള്ളിക്കളയുക, ശമ്പളപരിഷ്കരണം നടപടികൾ ആരംഭിക്കുക, ക്ഷാമബത്ത കുടിശിക അനുവദിക്കുക, അദ്ധ്യാപകരുടെ ജോലി സംരക്ഷണം ഉറപ്പാക്കുക തുടങ്ങിയ 36 ആവശ്യങ്ങൾ ഉന്നയിച്ചുക്കൊണ്ട് സംസ്ഥാന വ്യാപകമായി കേരള സ്കൂൾ ടീച്ചേഴ്സ് അസോസിയേഷൻ ജില്ലാ മാർച്ചും ധർണയും സംഘടിപ്പിക്കും.ഇന്ന് ജില്ലാ വിദ്യാഭ്യാസ ഉപഡയറക്ടറുടെ ഓഫീസിന് മുന്നിൽ നടക്കുന്ന ധർണ മുൻ എം.പി. അഡ്വ. എ.എം. ആരിഫ് ഉദ്ഘാടനം ചെയ്യും. കെ.എസ്.ടി.എ. ജില്ലാ പ്രസിഡന്റ്​ സി. ജ്യോതികുമാർ അദ്ധ്യക്ഷത വഹിക്കും. സംസ്ഥാന വൈസ് പ്രസിഡന്റ് എം.എസ്. പ്രശാന്ത്, സംസ്ഥാന എക്സിക്യുട്ടീവ് അംഗം വി. അനിത, സംസ്ഥാന കമ്മിറ്റി അംഗം എസ്.​ സത്യജ്യോതി, ജില്ലാ സെക്രട്ടറി പി.ഡി. ജോഷി എന്നിവർ സംസാരിക്കും. ആലപ്പുഴ ഡി.ഇ.ഒ ഓഫീസ് പരിസരത്ത്നിന്ന് മാർച്ച് ആരംഭിക്കും.