ആലപ്പുഴ: റോഡ്​ മുറിച്ചുകടക്കുന്നതിനിടെ ബൈക്കിടിച്ച്​ മാദ്ധ്യമപ്രവർത്തകന്​ ഗുരുതരപരിക്ക് . വണ്ടാനം നീർക്കുന്നം വെമ്പാട്​ ഹൗസ്​ യു. ഫൈസലിനാണ്​ (38) പരി​ക്കേറ്റത്​. ശനിയാഴ്ച രാത്രി ഒമ്പതിന്​​ മെഡിക്കൽകോളജിന്​ സമീപത്തെ പള്ളിമുക്ക്​ ജംഗ്​ഷനിലായിരുന്നു അപകടം. നാട്ടുകാരും സുഹൃത്തുക്കളും ചേർന്നാണ്​​ ആശുപത്രിയിൽ എത്തിച്ചത്​. ഇടതുകാലിന്റെ ​ മുട്ടിന് താഴെയാണ്​ പരിക്ക്​. ഡോ. ബിന്ദുലാലിന്റെ നേതൃത്വത്തിൽ അടിയന്തര ശസ്ത്രക്രിയക്ക്​ വിധേയമാക്കി ചികിത്സയിലാണ്​.