ആലപ്പുഴ: പൊതുമേഖല സ്ഥാപനമായ കയർകമ്പനിയുടെ കെട്ടിടത്തിന്റെ മേൽക്കൂരയിലെ അറ്റകുറ്റപ്പണിക്കിടെ ഷീറ്റ് തകർന്ന് താഴെ വീണ് യുവാവ് മരിച്ചു. തുറവൂർ വളമംഗലം വടക്ക് പുത്തൻകരിയിൽ സുധീർ-സുനി ദമ്പതികളുടെ മകൻ സായന്താണ് (24) മരിച്ചത്. ആലപ്പുഴ ബീച്ചിന് സമീപത്തെ കമ്പനിയിൽ ചൊവ്വാഴ്ച രാവിലെ 11.30ഓടെയായിരുന്നു സംഭവം. കമ്പനിയിൽ ലാറ്റക്‌സ് ബാക്കിംഗ് പ്ലാന്റിന്റെ മേൽക്കൂരയുടെ മുകളിൽ കയറി പണിയെടുക്കുന്നതിനിടെയാണ് യുവാവ് 40 അടിയോളം ഉയരത്തിൽ നിന്ന് താഴേക്ക് വീണത്. തലക്ക് ഗുരുതര പരിക്കേറ്റ സായന്തിനെ ആലപ്പുഴ മെഡിക്കൽകോളജ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. സഹോദരി: ലയ.