ആലപ്പുഴ: അമ്പലപ്പുഴ പൊതുമരാമത്ത് നിരത്ത് വിഭാഗത്തിന്റെ മേൽനോട്ടത്തിൽ അമ്പലപ്പുഴ- ടെമ്പിൾ- പുതുപുരക്കൽ- ആമയിട റോഡിന്റെ പുനരുദ്ധാരണ പ്രവർത്തികൾ ആരംഭിച്ചതിനാൽ കാരാടി എൽ.പി സ്കൂൾ വഴുതക്കാട് റോഡ്, എൻ.എസ്.എസ് കരയോഗം അപ്പാത്തിക്കരി റോഡ് എന്നീ റോഡുകളിൽ കൂടിയുള്ള വാഹനഗതാഗതം ഇന്നുമുതൽ ടാറിംഗ് പ്രവർത്തികൾ പൂർത്തിയാകുന്നത് വരെ പൂർണ്ണമായും തടസ്സപ്പെടും. ഈ റോഡിൽക്കൂടി സഞ്ചരിക്കേണ്ട വാഹനങ്ങൾ പാർശ്വറോഡുകൾ വഴി പോകേണ്ടതാണെന്ന് പൊതുമരാമത്ത് വകുപ്പ് അസി. എൻജിനീയർ അറിയിച്ചു.