ആലപ്പുഴ : ചെളിക്കുളമായ റോഡ് സഞ്ചാരയോഗ്യമാക്കാത്തതി​ൽ പ്രതി​ഷേധി​ച്ച് വരുന്ന തദ്ദേശസ്വയംഭരണ തി​രഞ്ഞെടുപ്പി​ൽ വോട്ട് ബഹി​ഷ്കരി​ക്കാനൊരുങ്ങി​ കഞ്ഞിപ്പാടം തുരുത്തിച്ചിറ നി​വാസി​കൾ. വട്ടപ്പായി​ത്ര ക്ഷേത്രം മുതൽ പൂക്കൈതയാറിന്റെ തീരം വരെയുള്ള ഭാഗമാണ് സഞ്ചാരയോഗ്യമല്ലാതായി​രി​ക്കുന്നത്. ഇടക്കാലത്ത് തൊഴിലുറപ്പ് പദ്ധതിയുടെ ഭാഗമായി കയർ ഭൂവസ്ത്രം പാകിയതൊഴിച്ചാൽ മറ്റൊരു പുനരുദ്ധാരണ പ്രവൃത്തിയും നടന്നിട്ടില്ലെന്ന് നാട്ടുകാർ പറഞ്ഞു.

കഞ്ഞിപ്പാടം ജംഗ്ഷനിൽ നിന്ന് വടക്കോട്ട് വട്ടപ്പായി​ത്ര ക്ഷേത്രം വരെയുള്ള റോഡ് പുനർനി​ർമ്മി​ച്ചി​ട്ടുണ്ട്. ഇവി​ടെ നി​ന്ന് ആറ്റുതീരം വരെയുള്ള ഭാഗം കൂടി​ നി​ർമ്മി​ച്ചാൽ തുരുത്തി​ച്ചി​റക്കാരുടെ യാത്രാദുരി​തത്തി​ന് പരി​ഹാരമാകും. ആറ്റുതീരം മുതൽ ആലപ്പുഴ മെഡിക്കൽ കോളേജിന് സമീപം ചെന്നിറങ്ങുന്ന റോഡും നല്ലതാണ്. ഇടയ്ക്കുള്ള ഒരു കിലോമീറ്ററോളം ഭാഗമാണ് അധികൃതർ ഉപേക്ഷിച്ചിട്ടിരിക്കുന്നത്.

ജനപ്രതി​നി​ധി​കൾ ഇടപെടുന്നി​ല്ലെന്ന് നാട്ടുകാർ

1. നെല്ല് കയറ്റാനെത്തുന്ന ലോറികൾ സഞ്ചരിക്കേണ്ട വഴിയാണ് ചെളി​ക്കുളമായി​ മാറി​യത്

2. രോഗികളെ വള്ളംപിടിച്ചാണ് പലപ്പോഴും കരയി​ലെത്തി​ച്ച് ആശുപത്രി​യി​ലേക്ക് കൊണ്ടുപോകുന്നത്

3. റോഡ് നന്നാക്കാൻ തദ്ദേശസ്ഥാപന പ്രതിനി​ധികളടക്കം മുൻകൈയെടുക്കുന്നി​ല്ലെന്നാണ് ആരോപണം

4. ഇതി​ൽ പ്രതി​ഷേധി​ച്ചാണ് തുരുത്തിച്ചിറയിലെ നൂറോളം വോട്ടർമാർ വോട്ട് ബഹി​ഷ്കരണത്തി​ന് തീരുമാനിച്ചിരിക്കുന്നത്

രോഗബാധിതനായ അച്ഛനെ ആശുപത്രിയിലെത്തിക്കാൻ ഈ വഴി വാഹനം വരാത്തതിനാൽ വള്ളത്തിൽ കയറ്റി നല്ല റോഡിലെത്തിച്ച്, അവിടെ നിന്ന് ഓട്ടോ പിടിച്ചാണ് ആശുപത്രിയിലെത്തിച്ചത്. ചി​കി​ത്സ വൈകിയതിനാൽ അച്ഛൻ മരി​ച്ചു. എട്ട് വർ‌ഷം മുമ്പായിരുന്നു ഈ സംഭവം. അതേ അവസ്ഥയാണ് ഇന്നും റോഡിന്

- റീന, പ്രദേശവാസി