മാന്നാർ: പരുമല പമ്പാ കോളേജ് പൂർവ വിദ്യാർത്ഥി സംഘടനയായ പമ്പാതീരം ഗ്ലോബൽ കമ്മ്യൂണിറ്റിയുടെ ആഭിമുഖ്യത്തിൽ 30 ന് ദുബായിൽ നടക്കുന്ന ഓണാഘോഷം പമ്പാമേളം 2025ന്റെ ബ്രോഷർ പ്രകാശനം ഖിസൈസ് പൊലീസ് മേധാവി മേജർ ഹംദി അബ്ദുള്ള നിർവഹിച്ചു. ചലച്ചിത്ര നടി സുരഭി ബ്രോഷർ ഏറ്റുവാങ്ങി. പമ്പാതീരം പ്രസിഡന്റ് സെബാസ്റ്റ്യൻ ജോസഫ് അദ്ധ്യക്ഷത വഹിച്ചു. രക്ഷാധികാരികളായ ശശികുമാർ നമ്പീമഠം, കല ഹരികുമാർ, ലോട്ടസ് മെഡിക്കൽ സെന്റർ മാനേജിങ് ഡയറക്ടർ ഡോ.സൗമ്യ ഹരികുമാർ, അക്കാഫ് പ്രതിനിധികൾ, പമ്പാതീരം ഭാരവാഹികളായ ഡോ.രാജീവ് പിള്ള, സുൽഫിക്കർ ഹസൻ, മാത്യു സാമുവൽ, കോശി മാന്നാർ, സൈജു നൈനാൻ, സന്തോഷ്.എസ്., ഹാഷിം, മാർട്ടിൻ തുടങ്ങിയവർ സംസാരിച്ചു. 'നല്ലോണം വള്ളം കളി കണ്ട് ഓണം'' എന്നതാണ് പമ്പാമേളം 2025 ന്റെ തീം. 30 ന് ദുബായ് ഹയാത് പാലസ് ഹോട്ടലിലാണ് ആഘോഷം നടക്കുക. നെഹ്റു ട്രോഫി വള്ളംകളി തത്സമയം ലൈവ് ബ്രോഡ്കാസ്റ്റ് ചെയ്യുന്നതാണ് ഈ പരിപാടിയുടെ ഹൈലൈറ്റ്.