ആലപ്പുഴ: ലോക മുലയൂട്ടൽ വാരത്തോട് അനുബന്ധിച്ച് ആലപ്പുഴ മെഡിക്കൽ കോളേജിൽ ക്രമീകരിച്ച നവീകരിച്ച ബ്രെസ്റ്റ് ഫീഡിംഗ് സെന്ററിന്റെ ഉദ്ഘാടനം ആലപ്പുഴ ഇന്നർ വീൽ ക്ലബിന്റെ പ്രസിഡന്റും മെഡിക്കൽ കോളേജിലെ പൂർവ വിദ്യാർത്ഥിയുമായ ഡോ.സിന്ധു ശ്രീധരൻ നിർവഹിച്ചു. മെഡിക്കൽ കോളേജ് പ്രിൻസിപ്പൽ ഡോ.ബി.പദ്മകുമാർ അദ്ധ്യക്ഷത വഹിച്ചു. വൈസ് പ്രിൻസിപ്പൽ ഡോ.എൻ. ജെ.ജെസ്സി, ഡോ.ഒ.ജോസ്, ഡോ.കാരൾ പിൻ ഹീറോ, വി.എസ്.ദീപ ,രാധിക.എം പി, നമിത.എസ്, ഡോ. അമല.എൻ.സാബു,ഡോ. പദ്മജ.ഡി .നമ്പൂതിരി തുടങ്ങിയവർ സംസാരിച്ചു. മുലയൂട്ടൽ വാരവുമായി ബന്ധപ്പെട്ട് നടത്തിയ വിവിധ മത്സരങ്ങളിൽ വിജയികളായവർക്ക് സമ്മാനങ്ങളും വിതരണം ചെയ്തു.