മുഹമ്മ : സംസ്ഥാന കയർ വികസന വകുപ്പ് നേതൃത്വത്തിൽ മുഹമ്മ കയർ മാറ്റ്സ് ആൻഡ് മാറ്റിംഗ്സ് കോ -ഓപ്പറേറ്റീവ് സൊസൈറ്റി ലിമിറ്റഡ് 430-ാം നമ്പറിന് വർക്ക് ഷെഡ് നിർമ്മിച്ചു നൽകി. മന്ത്രി പി രാജീവ് വർക്ക് ഷെഡ് ഉദ്ഘാടനം ചെയ്തു. സൊസൈറ്റി അങ്കണത്തിൽ നടന്ന ചടങ്ങിൽ മന്ത്രി പി. പ്രസാദ് അദ്ധ്യക്ഷനായി. സംസ്ഥാന കയർ വികസന വകുപ്പിന്റെ അടിസ്ഥാന സൗകര്യ വികസന പദ്ധതിയിലൂടെ അനുവദിച്ച 56 ലക്ഷം രൂപ ചെലവഴിച്ച് ഊരാളുങ്കൽ ലേബർ കോൺട്രാക്ട് സൊസൈറ്റിയാണ് വർക്ക് ഷെഡ് നിർമ്മിച്ചു നൽകിയത്. ചടങ്ങിൽ സംഘാംഗങ്ങളായ മുതിർന്ന തൊഴിലാളികളെ കേരള സ്റ്റേറ്റ് കയർ കോർപ്പറേഷൻ ചെയർമാൻ ജി. വേണുഗോപാൽ , മുഹമ്മ ഗ്രാമ പഞ്ചായത്ത് പ്രസിഡന്റ് സ്വപ്ന ഷാബു, മുഹമ്മ ഗ്രാമ പഞ്ചായത്ത് വൈസ് പ്രസിഡന്റ് എൻ. ടി. റെജി എന്നിവർ ആദരിച്ചു. മുഹമ്മ ലേബറേഴ്സ് കയർ മാറ്റ്സ് ആൻഡ് മാറ്റിംഗ്സ് ലിമിറ്റഡ് പ്രസിഡന്റ് സി.കെ.സുരേന്ദ്രൻ , മുഹമ്മ ഗ്രാമ പഞ്ചായത്ത് വൈസ് പ്രസിഡന്റ് എൻ.ടി.റെജി, സി.പി.ഐ ചേർത്തല സൗത്ത് സെക്രട്ടറി കെ.ബി.ബിമൽ റോയ് , സി.പി.എം മാരാരിക്കുളം ഏരിയാ സെക്രട്ടറി പി.രഘുനാഥ് , ചേർത്തല സി.സി.ടി പ്രസിഡന്റ് കെ.ബി.ഷാജഹാൻ , സി.പി.എം മുഹമ്മ ലോക്കൽ കമ്മിറ്റി സെക്രട്ടറി സലീം , സി.പി.ഐ മുഹമ്മ ലോക്കൽ കമ്മിറ്റി സെക്രട്ടറി സി. കെ ചിദംബരൻ കയർ പ്രോജക്ട് ഓഫീസർ എസ്. ജയേഷ് , കയർ പ്രോജക്ട് ഓഫീസ് അഡീഷണൽ രജിസ്ട്രാർ ജോൺ സാം, സംഘം സെക്രട്ടറി വിനിത ബേബി, മുഹമ്മ കയർ ഇൻസ്പെക്ടർ വിമൽ രാജ് , എന്നിവർ സംസാരിച്ചു.സംഘം പ്രസിഡന്റ് കെ. നാസർ സ്വാഗതവും ബോർഡ് അംഗം എൻ. ഡി. ഇക്ബാൽ നന്ദിയും പറഞ്ഞു.