ആലപ്പുഴ: സംസ്ഥാന കർഷകത്തൊഴിലാളി ക്ഷേമനിധി ബോർഡംഗങ്ങളുടെ മക്കളിൽ നിന്ന് വിദ്യാഭ്യാസ അവാർഡിനുള്ള അപേക്ഷ ക്ഷണിച്ചു. 2024 - 2025 അദ്ധ്യയനവർഷത്തിൽ എസ്.എസ്.എൽ.സി, ടി.എച്ച്.എസ്.എൽ.സി പരീക്ഷയിൽ എല്ലാവിഷയത്തിലും പാസ്സായ 75 പോയിന്റും അതിൽ കൂടുതലും വാങ്ങിയ വിദ്യാർഥികളിൽ നിന്നും പ്ലസ് ടു/ വി.എച്ച്. എസ്. ഇ അവസാന വർഷ പരീക്ഷയിൽ 85 ശതമാനത്തിൽ കുറയാതെ മാർക്ക് വാങ്ങിയ വിദ്യാർഥികളിൽ നിന്നുമാണ് അപേക്ഷ ക്ഷണിച്ചത്.

പട്ടികജാതി, പട്ടികവർഗ്ഗ വിഭാഗത്തിൽപ്പെട്ട കുട്ടികൾക്ക് എസ് .എസ് .എൽ .സി, ടി .എച്ച് .എസ് .എൽ. സി പരീക്ഷയിൽ 70 പോയിന്റും പ്ലസ് ടു, വി. എച്ച്. എസ് .ഇ പരീക്ഷയിൽ 80 പോയിന്റും മതിയാകും.

സർക്കാർ, എയ്ഡഡ് സ്കൂളിൽ കേരള സ്റ്റേറ്റ് സിലബസിൽ പഠിച്ച് പരീക്ഷ ആദ്യ അവസരത്തിൽ പാസ്സായ കുട്ടികളുടെ രക്ഷിതാക്കൾക്ക് അപേക്ഷിക്കാം.

പരീക്ഷ തീയതിക്ക് തൊട്ടുമുൻപുള്ള മാസത്തിൽ അംഗം 12 മാസത്തെ അംഗത്വകാലം പൂർത്തീകരിച്ചവരും 24 മാസത്തിൽ കൂടുതൽ കുടിശ്ശിക ഇല്ലാതെ പണമടച്ചവരും ആയിരിക്കണം. അപേക്ഷ ഫോമിന്റെ മാതൃകയ്ക്കും കൂടുതൽ വിവരങ്ങൾക്കും www.agriworkersfund.org എന്ന വെബ്സൈറ്റോ ക്ഷേമനിധി ഓഫീസോ സന്ദർശിക്കുക . അപേക്ഷ ആഗസ്റ്റ് 30 വരെ ആലപ്പുഴ ജില്ലാ എക്‌സിക്യൂട്ടീവ് ഓഫീസിൽ സ്വീകരിക്കും. വിവരങ്ങൾക്ക്: 0477 2964923.