ആലപ്പുഴ: ചേർത്തലയിൽ ശുദ്ധജലവിതരണ പദ്ധതിയുടെ പ്രധാന പൈപ്പ് ലൈനിൽ തുറവൂർ തൈക്കാട്ടുശ്ശേരി പാലത്തിന് സമീപം രൂപപ്പെട്ട ലീക്ക് പരിഹരിക്കുന്നതിന്റെ

ഭാഗമായി ഇന്ന് രാവിലെ 8 മുതൽ 18ന് രാവിലെ 6 മണി വരെ തൈക്കാട്ടുശ്ശേരി പാലത്തിലൂടെയുള്ള ഗതാഗതം പൂർണ്ണമായും നിരോധിച്ചു. മാക്കേക്കടവ് തുറവൂർ റോഡിൽ മാക്കേകടവിൽ നിന്ന് അരൂർ ഭാഗത്തേക്ക് പോകുന്ന വാഹനങ്ങൾ മണിയാതൃക്കയിൽ ജംഗ്ഷനിൽ നിന്ന് വടക്കോട്ട് തിരിഞ്ഞ് പോകണം. തുറവൂർ ജംഗ്ഷനിൽ നിന്ന് തൈയ്ക്കാട്ടുശ്ശേരി ഭാഗത്തേക്കുള്ള ഗതാഗതം പൂർണ്ണമായും നിരോധിച്ചതായും കുത്തിയതോട് പൊലീസ് അറിയിച്ചു.