ആലപ്പുഴ: പഴവീട് വിജ്ഞാനപ്രദായിനി ഗ്രന്ഥശാലയുടെ ആഭിമുഖ്യത്തിൽ സ്വാതന്ത്ര്യ ദിനാഘോഷവും വായനാവസന്തത്തിന്റെ ഉദ്ഘാടനവും നടന്നു. ഗ്രന്ഥശാല പ്രസിഡന്റ്‌ ബാലൻ സി.നായർ പതാക ഉയർത്തി. സെക്രട്ടറി എസ്.രാധാകൃഷ്ണൻ
പ്രതിജ്ഞ ചൊല്ലിക്കൊടുത്തു. അജിത, വിശ്വനാഥ് എന്നിവർ സംസാരിച്ചു. സാമൂഹ്യപ്രവർത്തകയും അദ്ധ്യാപികയുമായ ലീന തെരേസ,​ ലൈബ്രറിയൻ സുരേഷ് ബാബുവിൽ നിന്ന് നൂറു പേരുടെ അംഗത്വം സ്വീകരിച്ച്,​ പുസ്തകപ്പെട്ടി നൽകി വായനാ വസന്തം ഉദ്ഘാടനം ചെയ്തു. തുടർന്ന് ലീന തെരേസയെ ആദരിച്ചു.
എസ്.രാധാകൃഷ്ണൻ സ്വാഗതവും എൻ.എസ്.രാധാകൃഷ്ണൻ നന്ദിയും പറഞ്ഞു.