ആലപ്പുഴ: കായംകുളം ബിഷപ്പ് മൂർ ഹയർസെക്കൻഡറി സ്കൂളിൽ മുണ്ടിനീര് സ്ഥിരീകരിച്ച പശ്ചാത്തലത്തിൽ സ്കൂളിലെ അപ്പർ പ്രൈമറി സെക്ഷൻ വരെയുള്ള കുട്ടികൾക്ക് 21 വരെ ഓൺ ലൈൻ ക്ലാസുകൾ നടത്താൻ ജില്ലാ കളക്ടർ ഉത്തരവിട്ടു.രണ്ടാം ക്ലാസിലെ അഞ്ച് കുട്ടികൾക്കും രണ്ട് അദ്ധ്യാപകർക്കുമാണ് രോഗം സ്ഥിരീകരിച്ചത്.ജില്ലാ വിദ്യാഭ്യാസ ഉപ ഡയറക്ടർ വിദ്യാലയങ്ങളിൽ മുണ്ടിനീര് പടർന്നു പിടിക്കാതിരിക്കാനുള്ള മുൻകരുതൽ നടപടികൾ ആരോഗ്യ, തദ്ദേശ സ്വയംഭരണ വകുപ്പുകളുമായി ചേർന്ന് നടത്തണമെന്നും കളക്ടർ നിർദ്ദേശിച്ചു.