കൊച്ചി: കോർപ്പറേഷൻ പരിധിയിലുള്ളതും വിവിധ വകുപ്പുകളുടെ അധീനിതയിലുള്ളതുമായ റോഡുകളുടെ ശോചനീയാവസ്ഥ പരിഹരിക്കുന്നതിന് ആവശ്യമായ നടപടി സ്വീകരിക്കുന്നതിനായി കളക്ടർ എൻ.എസ്.കെ ഉമേഷ്, മേയർ അഡ്വ.എം. അനിൽകുമാർ എന്നിവരുടെ നേതൃത്വത്തിൽ യോഗം ചേർന്നു. തമ്മനം- പുല്ലേപ്പടി റോഡ്, ഹൈക്കോർട്ട് റോഡ്, ഗോശ്രി, ബോട്ട് എന്നീ പാലങ്ങൾ എന്നിവയിലെ കുഴികൾ അടയ്ക്കുന്നതിന് അടിയന്തര നടപടി സ്വീകരിക്കമെന്ന് ഉദ്യോഗസ്ഥർക്ക് നിർദ്ദേശം നൽകി. ജൽജീവൻ പദ്ധതിയുടെ ഭാഗമായി കുഴിച്ച റോഡുകളുടെ അറ്റകുറ്റപ്പണി പണികൾ വേഗത്തിൽ തീർക്കണമെന്ന് ജല അതോറിട്ടി ഉദ്യോഗസ്ഥരോട് ആവശ്യപ്പെട്ടു.