കൂത്താട്ടുകുളം: എസ്.എൻ.ഡി.പി യോഗം കൂത്താട്ടുകുളം ശാഖയുടെ കുടുംബ സംഗമം ഇന്ന് അദ്വൈദം ഓഡിറ്റോറിയത്തിൽ നടക്കും. യോഗം കൗൺസിലറും വനിതാ സംഘം കേന്ദ്രസമിതി വൈസ് പ്രസിഡന്റുമായ ഷീബ ടീച്ചർ ഉദ്ഘാടനം ചെയ്യും. കൂത്താട്ടുകുളം യൂണിയൻ പ്രസിഡന്റ് പി.ജി. ഗോപിനാഥ് അദ്ധ്യക്ഷനാകും. തുടർന്ന് ഗുരുദേവ ദർശനവും കുടുംബജീവിതവും എന്നീ വിഷയത്തിൽ ഷീബ ടീച്ചർ പ്രഭാഷണം നടത്തും. യൂണിയൻ സെക്രട്ടറി സി.പി സത്യൻ മുഖ്യപ്രഭാഷണം നടത്തും. യൂണിയൻ വൈസ് പ്രസിഡന്റ് പി.കെ. അജിമോൻ സംഘടനാ സന്ദേശം നൽകും. ശാഖാ പ്രസിഡന്റ് ഡി.സാജു, സെക്രട്ടറി തിലോത്തമ ജോസ്, യൂണിയൻ വനിതാ സംഘം പ്രസിഡന്റ് ലളിതാവിജയൻ, സെക്രട്ടറി മഞ്ജു റെജി, യൂണിയൻ യൂത്ത് മൂവ്മെൻറ് പ്രസിഡന്റ് വിലാസ് താന്നിക്കൽ, സെക്രട്ടറി അജേഷ് വിജയൻ, പി.എൻ. സലിംകുമാർ, മായ അനിൽ, ഡെൽമ ആഷ്ലാൽ, എം.കെ. നിതീഷ് കുമാർ, അരുൺ ദിവാകരൻ സംസാരിക്കും.