കോലഞ്ചേരി: പുത്തൻകുരിശ് പഞ്ചായത്ത് റീഹാബിലിറ്റേഷൻ സെന്ററിലെ മ്യൂസിക്, ഫിസിയോതെറാപ്പി ഉപകരണങ്ങൾ, സി.സി ടിവി ക്യാമറ, ബാൻഡ് ട്രൂപ്പ് എന്നിവ പ്രസിഡന്റ് സോണിയ മുരുകേശൻ ഉദ്ഘാടനം ചെയ്തു. വൈസ് പ്രസിഡന്റ് കെ.കെ. അശോകകുമാർ അദ്ധ്യക്ഷനായി. കുടുംബശ്രീ ജില്ലാമിഷൻ കോ ഓർഡിനേ​റ്റർ റജീന മുഖ്യാതിഥിയായി. പഞ്ചായത്ത് അംഗങ്ങളായ അജിത ഉണ്ണിക്കൃഷ്ണൻ, സുബിമോൾ, ഷാനിഫ ബാബു, സജിത പ്രദീപ്, ബിനിത പീ​റ്റർ, വി.എസ്. ബാബു എന്നിവർ സംസാരിച്ചു. കുടുംബശ്രീ ജില്ലാമിഷൻ അനുവദിച്ച 12.5 ലക്ഷം രൂപ ഉപയോഗിച്ചാണ് ഉപകരണങ്ങൾ വാങ്ങിയത്.