കാക്കനാട്: രാജ്യത്തെ ജനാധിപത്യവും ഭരണഘടനയെയും അട്ടിമറിക്കുന്ന ബി.ജെ.പി. ഗവൺമെന്റിന് കൂട്ട് നിൽക്കുന്ന ഇലക്ഷൻ കമ്മിഷന്റെ നടപടിക്ക് എതിരെ യൂത്ത് കോൺഗ്രസ് തൃക്കാക്കര ഈസ്റ്റ്‌ മണ്ഡലം കാക്കനാട് ഐ.എം.ജി ജംഗ്ഷനിലെ ഗാന്ധി പ്രതിമയ്ക്ക് മുന്നിൽ കണ്ണുകെട്ടി പ്രതിഷേധിച്ചു. തൃക്കാക്കര നോർത്ത് മണ്ഡലം കോൺഗ്രസ് കമ്മിറ്റി പ്രസിഡന്റ് സി.സി.വിജു ഉദ്ഘാടനം ചെയ്തു. യൂത്ത് കോൺഗ്രസ് തൃക്കാക്കര ഈസ്റ്റ്‌ മണ്ഡലം പ്രസിഡന്റ് ജിപ്സൺ ജോളി അദ്ധ്യക്ഷനായി. പ്രസിഡന്റ് എം. എസ്.അനിൽകുമാർ മുഖ്യ പ്രഭാഷണം നടത്തി. ഹസീന ഉമ്മർ, പി.എസ് സുജിത്, ബാബു ആന്റണി, ലിപ്സൺ ആന്റണി, സാബു പടിയഞ്ചേരി, സിന്റോ ജോയ്, റൂബൻ പൈനാക്കി, കെ.എം.മനോജ്‌ ,ഷിബു ചന്ദ്രൻ, റഫീഖ് പൂതേലി എന്നിവർ സംസാരിച്ചു.