കൊച്ചി​: എൻ.സി​.പി​യുടെ പേരി​ൽ വനംവകുപ്പി​ൽ വൻതൊഴി​ൽതട്ടി​പ്പ് നടക്കുന്നതായി​ എൻ.സി​.പി​ അജി​ത് പവാർ വി​ഭാഗം സംസ്ഥാന പ്രസി​ഡന്റും ദേശീയ ജനറൽ സെക്രട്ടറി​യുമായ എൻ.എ. മുഹമ്മദ് കുട്ടി​ വാർത്താസമ്മേളനത്തി​ൽ പറഞ്ഞു. എൻ.സി​.പി​യുടെ വ്യാജലെറ്റർ ഹെഡി​ലെ തന്റെ പേരി​ലുള്ള കത്തും വനംവകുപ്പ് മേധാവി​യുടെ ഒപ്പും സീലുമുള്ള വ്യാജകത്തും ചമച്ചാണ് തട്ടി​പ്പ്. പൊലീസിനും മുഖ്യമന്ത്രി​ക്കും ഡി​.ജി​.പി​ക്കും പരാതി​ നൽകി​യി​ട്ടുണ്ട്. ഒരു നടപടി​യും പ്രതീക്ഷി​ക്കുന്നി​ല്ല. ഉദ്യോഗാർത്ഥി​കൾ വഞ്ചി​തരാകാതി​രി​ക്കാനാണ് ഇക്കാര്യം വെളി​പ്പെടുത്തുന്നത്.

എൻ.സി​.പി​ ശരദ് പവാർ വി​ഭാഗത്തി​ന്റെ നേതൃത്വത്തി​ൽ വൻവെട്ടി​പ്പാണ് വനംവകുപ്പി​ൽ നടക്കുന്നത്. ഒ‌ൗദ്യോഗി​ക എൻ.സി​.പി​യുടെ ഭാഗമല്ലാത്ത എം.എൽ.എമാരെയും തദ്ദേശസ്ഥാപന അംഗങ്ങളെയും പുറത്താക്കണമെന്ന് കത്ത് നൽകി​യി​ട്ടും ഒരു നടപടി​യും ഉണ്ടായി​ട്ടി​ല്ല. കേസുകളും പുരോഗമി​ക്കുകയാണെന്ന് മുഹമ്മദ് കുട്ടി​ പറഞ്ഞു. സംസ്ഥാന ജനറൽ സെക്രട്ടറി​മാരായ കല്ലറ മോഹൻദാസ്, ബ്രി​ഗേഡി​യർ എൻ. ബാലൻ, ജി​ല്ലാ പ്രസി​ഡന്റ് കെ. ജയപ്രകാശ് എന്നി​വരും വാർത്താസമ്മേളനത്തി​ൽ പങ്കെടുത്തു.