ചോറ്റാനിക്കര: എസ്.എൻ.ഡി.പി യോഗം കെ.ആർ. നാരായണൻ സ്മാരക തലയോലപ്പറമ്പ് യൂണിയനിലെ തൊട്ടൂർ 2832-ാം നമ്പർ ശാഖയുടെ ആഭിമുഖ്യത്തിൽ കെ.എം. സാനു അനുസ്മരണവും വിശേഷാൽ പൊതുയോഗവും നടന്നു. യൂണിയൻ സെക്രട്ടറി എസ്.ഡി. സുരേഷ് ബാബു ഉദ്ഘാടനം ചെയ്തു. ശാഖ പ്രസിഡന്റ് കെ.കെ. സുഭാഷ് അദ്ധ്യക്ഷത വഹിച്ചു. 24ന് വൈക്കത്ത് വച്ച് നടക്കുന്ന മഹാസമ്മേളനത്തിൽ ശാഖയിൽ നിന്ന് മുഴുവൻ പ്രതിനിധികളെയും പങ്കെടുപ്പിക്കാൻ യോഗത്തിൽ തീരുമാനമായി. ശാഖാ സെക്രട്ടറി രവീന്ദ്രൻ, സാനു മാസ്റ്റർ അനുസ്മരണ പ്രസംഗം നടത്തി. വൈസ് പ്രസിഡന്റ് കെ.വി. രാജപ്പൻ, പങ്കജാക്ഷൻ വി.ആർ., സുനിൽ കെ.ആർ., പ്രദീപ് കെ.കെ. എന്നിവരും യോഗത്തിൽ പ്രസംഗിച്ചു.