കിഴക്കമ്പലം: പട്ടികജാതി പട്ടിക വർഗ വിഭാഗങ്ങളുടെ സാമൂഹിക പുരോഗതി വിദ്യാഭ്യാസത്തിലൂടെ മാത്രമെ സാദ്ധ്യമാവുകയുള്ളൂവെന്ന് മന്ത്രി ഒ.ആർ. കേളു പറഞ്ഞു. കുന്നത്തുനാട് പഞ്ചായത്തിലെ പുത്തേത്തുമുകൾ എസ്.സി നഗർ അംബേദ്കർ ഗ്രാമവികസന പദ്ധതിയുടെ പ്രവൃത്തി പൂർത്തീകരണം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. അഡ്വ. പി.വി. ശ്രീനിജിൻ അദ്ധ്യക്ഷനായി. പഞ്ചായത്ത് അംഗം നിസാർ ഇബ്രാഹിം, എഫ്.ഐ.ടി പ്രൊജക്ട് ചീഫ് എൻജിനിയർ ടി.പി. ബൈജു, ജില്ലാ പട്ടികജാതി വികസന ഓഫീസർ ലിസ ജെ. മങ്ങാട്ട്, പട്ടികജാതി വികസന ബ്‌ളോക്ക് ഓഫീസർ എസ്. സോഫിയമോൾ, ജില്ലാ പഞ്ചായത്ത് അംഗം ലിസി അലക്‌സ്, പഞ്ചായത്ത് അംഗം എൻ.ഒ. ബാബു, എൻ.വി. വാസു, ജിഷാന്ത് പദ്മൻ, വർഗീസ് പാങ്കോടൻ, എൻ.എം. കരീം, പി.പി. രാജൻ എന്നിവർ സംസാരിച്ചു.