തൃപ്പൂണിത്തുറ: ശ്രീനാരായണ ഗുരുദേവന്റെ ശിഷ്യ പ്രമുഖനായിരുന്ന ശ്രീനരസിംഹ സ്വാമിയുടെ 148-ാം ജയന്തി ആഘോഷങ്ങൾ എരൂരിലെ നരസിംഹാശ്രമത്തിൽ ആചരിച്ചു. ഇന്നലെ നടന്ന ഗുരു വിജ്ഞാന സരണി ഡോ. എം.വി. അനൂപ് ഉദ്ഘാടനം ചെയ്തു. ശ്രീനാരായണ ഗുരുദേവൻ ലോകത്തെ ഒന്നായി കാണുക എന്ന മഹത്തായ ദർശനമാണ് നൽകിയത്. ഈ മഹത്തായ ദർശനത്തിന്റെ പ്രചാരകന്മാരായിരുന്ന ഗുരുശിഷ്യന്മാരിൽ പ്രഥമസ്ഥാനമാണ് നരസിംഹ സ്വാമി വഹിച്ചതെന്ന് അദ്ദേഹം പറഞ്ഞു.

ശ്രീനാരായണ ധർമ്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ അദ്ധ്യക്ഷനായി. കെ. ബാബു എം.എൽ.എ, ജ്യോതിസ് മോഹൻ,​ സീഗൾ ഗ്രൂപ്പ് മാനേജിംഗ് ഡയറക്ടർ ഡോ. സുരേഷ് കുമാർ മധുസൂദൻ, ബാബു റാം തുടങ്ങിയവർ സംസാരിച്ചു.