പെരുമ്പാവൂർ: അശമന്നൂർ ഗ്രാമ പഞ്ചായത്തിന്റെ കീഴിലുള്ള പയ്യാൽ ജനകീയ ആരോഗ്യകേന്ദ്രത്തിനായി പുതിയതായി നിർമ്മിച്ച കെട്ടിടത്തിന്റെ ഉദ്ഘാടനം പനിച്ചയം അഞ്ചാം വാർഡിൽ വ്യവസായ മന്ത്രി പി. രാജീവ് നിർവ്വഹിച്ചു. അഡ്വ.എൽദോസ് പി.കുന്നപ്പിള്ളി എം. എൽ.എ യുടെഅദ്ധ്യക്ഷതയിൽ നടന്ന യോഗത്തിൽ ജില്ലാ പഞ്ചായത്ത് പ്രസിഡന്റ്‌ മനോജ്‌ മൂത്തേടൻ ഉപഹാര സമർപ്പണം നടത്തി. മുൻ എം.എൽ.എ സാജു പോൾ,​ പഞ്ചായത്ത്‌ പ്രസിഡന്റ്‌ ഷിജി ഷാജി,​ വൈസ് പ്രസിഡന്റ്‌ ജോബി ഐസക്, ജില്ലാ പഞ്ചായത്ത് മെമ്പർ ഷൈമി വർഗീസ്, ബ്ലോക്ക്‌ പഞ്ചായത്ത് അംഗം ലതാഞ്‌ജലി മുരുകൻ, വി.പി.ശശീന്ദ്രൻ, തുടങ്ങിയവർ സംസാരിച്ചു. സ്ഥലം വാങ്ങുന്നതിനായി 1 ലക്ഷം രൂപ സംഭാവന നൽകിയ എൽദോസ് വൈദ്യരെയും കെട്ടിടം നിർമ്മിച്ച കോൺട്രാക്ടർ സി. വി. സുഗതനെയും ആദരിച്ചു. നാട്ടുകാരുടെ സഹകരണത്തോടെ 5.5 സെന്റ് സ്ഥലം 7 ലക്ഷം രൂപയ്ക്ക് വാങ്ങിയാണ് 55 ലക്ഷം രൂപ മുടക്കി ആധുനിക സൗകര്യങ്ങളോടെ ജനകീയ ആരോഗ്യ കേന്ദ്രം നിർമ്മിച്ചത്.