ചോറ്റാനിക്കര: ചെമ്പിൽ അരയൻ ബോട്ട് റേസിനെ ചാമ്പ്യൻസ് ബോട്ട് ലീഗിൽ ഉൾപ്പെടുത്തണമെന്ന് ചെമ്പിലരയൻ ബോട്ട് ക്ലബ് വാർഷിക പൊതുയോഗം ആവശ്യപ്പെട്ടു. പഞ്ചായത്ത് പ്രസിഡന്റ് സുകന്യ സുകുമാരൻ ഉദ്ഘാടനം ചെയ്തു. പ്രസിഡന്റ്‌ എസ്.ഡി. സുരേഷ്ബാബു അദ്ധ്യക്ഷനായി. ജനറൽ കൺവീനറും പഞ്ചായത്ത്‌ വൈസ് പ്രസിഡന്റുമായ കെ.കെ. രമേശൻ റിപ്പോർട്ടും കണക്കും അവതരിപ്പിച്ചു. ചീഫ് കോ ഓർഡിനേറ്റർ കുമ്മനം അഷ്‌റഫ്‌ മുഖ്യപ്രസംഗം നടത്തി. കെ. വിജയൻ, വി.ജെ. ജോർജ് വാരാനാട്ട്, പി. കെ. വേണുഗോപാൽ, ഹാരീസ് മണ്ണഞ്ചേരി, പി.എ. രാജപ്പൻ, ടി. ആർ. സുഗതൻ, സക്കീർ പരിമണത്ത്, വി.കെ. ശശിധരൻ, മധു കിളിക്കൂട്ടിൽ, പി. കെ. പുരുഷോത്തമൻ, സുനി കൃഷ്ണകുമാർ, അബ്ദുൽ ജലീൽ തുടങ്ങിയവർ സംസാരിച്ചു.