കൊച്ചി: ശ്രീനാരായണ ഗുരുദേവന്റെ 171-ാം ജയന്തി എസ്.എൻ.ഡി.പി യോഗം കണയന്നൂർ യൂണിയനിലെ മുഴുവൻ ശാഖകളുടേയും പോഷകസംഘടനകളുടേയും സംയുക്താഭിമുഖ്യത്തിൽ സെപ്തംബർ 7ന് തൃപ്പൂണിത്തുറയിൽ വിപുലമായി ആഘോഷിക്കും.

7ന് വൈകിട്ട് 4ന് എസ്.എൻ ജംഗ്ഷൻ ഗുരുമണ്ഡപത്തിൽനിന്ന് ഘോഷയാത്ര ആരംഭിച്ച് തൃപ്പൂണിത്തുറയിൽ സമാപിക്കും. ജയന്തിസമ്മേളനം പ്രതിപക്ഷ നേതാവ് വി.ഡി. സതീശൻ ഉദ്ഘാടനം ചെയ്യും. യൂണിയൻ ചെയർമാൻ മഹാരാജാ ശിവാനന്ദൻ അദ്ധ്യക്ഷനാകും. കെ. ബാബു എം.എൽ.എ, നഗരസഭ ചെയർപേഴ്സൺ രമ സന്തോഷ് എന്നിവർ മുഖ്യപ്രഭാഷണം നടത്തും.

നഗരസഭ വൈസ് ചെയർമാൻ കെ.കെ. പ്രദീപ്കുമാർ, യൂണിയൻ കമ്മിറ്റി അംഗങ്ങളായ കെ.പി. ശിവദാസ്, കെ.കെ. മാധവൻ, ടി.എം. വിജയകുമാർ, എൽ. സന്തോഷ്, യൂത്തുമൂവ്മെന്റ് യൂണിയൻ പ്രസിഡന്റ് വിനോദ് വേണുഗോപാൽ, വനിതാസംഘം യൂണിയൻ പ്രസിഡന്റ് ഭാമ പത്മനാഭൻ, പെൻഷണേഴ്സ് കൗൺസിൽ പ്രസിഡന്റ് അഡ്വ. രാജൻ ബാനർജി, വൈദികയോഗം പ്രസിഡന്റ് ശ്രീകുമാർ ശാന്തി, സൈബർസേന പ്രസിഡന്റ് റെജി വേണുഗോപാൽ, കുമാരി സംഘം പ്രസിഡന്റ് ഋതുവർഷ എന്നിവർ സംസാരിക്കും. യൂണിയൻ കൺവീനർ എം.ഡി. അഭിലാഷ് സ്വാഗതവും വൈസ് ചെയർമാൻ സി.വി. വിജയൻ നന്ദിയും പറയും.