മട്ടാഞ്ചേരി: കെ.പി.സി.സി മുൻ പ്രസിഡന്റും എം.എൽ.എയും ഗുജറാത്ത്‌ ഗവർണറും എസ്.എൻ ഡി.പി യോഗം മുൻപ്രസിഡന്റുമായിരുന്ന കെ.കെ. വിശ്വനാഥൻ വക്കീലിന്റെ 33-ാമത് അനുസ്മരണ സമ്മേളനം മുൻ സ്പീക്കർ വി.എം സുധീരൻ ഉദ്ഘാടനം ചെയ്തു. മുൻ കൗൺസിലർ കെ.കെ. കുഞ്ഞച്ചൻ അദ്ധ്യക്ഷനായി. ജി.സി.ഡി.എ മുൻ ചെയർമാൻ എൻ. വേണുഗോപാൽ ആമുഖ പ്രസംഗം നടത്തി. കെ. ബാബു എം.എൽ.എ, സീനിയർ അഡ്വ. എൻ.എൻ. സുഗുണപാലൻ, ഡി.സി.സി പ്രസിഡന്റ്‌ മുഹമ്മദ്‌ ഷിയാസ്, കൊച്ചി നഗരസഭ പ്രതിപക്ഷനേതാവ് അഡ്വ. ആന്റണി കുരീത്തറ, മുൻ മേയർ കെ.ജെ. സോഹൻ, രാജലിൻ എന്നിവർ സംസാരിച്ചു.