പെരുമ്പാവൂർ : തിരുവിതാകൂർ ദേവസ്വം ബോർഡിന്റെ കീഴിലുള്ള പ്രശസ്തമായ പെരുമ്പാവൂർ ശ്രീധർമ്മശാസ്താ ക്ഷേത്രത്തിൽ ഭാഗവത സപ്താഹ യജ്ഞത്തിന് തുടക്കമായി.
സ്വാമി ഉദിത് ചൈതന്യയാണ് യജ്ഞാചാര്യൻ. യജ്ഞശാലയിൽ പ്രതിഷ്ഠിക്കുവാനുള്ള ശ്രീകൃഷ്ണ വിഗ്രഹം ഇന്നലെ വൈകിട്ട് യജ്ഞവേദിയിലേക്ക് വാദ്യമേളങ്ങളുടെ അകമ്പടിയോടെ സ്വീകരിച്ചാനയിച്ചു.

തുടർന്ന് വിഗ്രഹ പ്രതിഷ്ഠ, സാംസ്കാരിക സദസ്,​ യജ്ഞവേദിയിൽ ഭദ്രദീപം തെളിയിക്കൽ, തുടർന്ന് യജ്ഞാചാര്യൻ ഉദിത് ചൈതന്യയുടെ സപ്താഹമാഹാത്മ്യ പ്രഭാഷണം എന്നിവ നടന്നു. 25-ന് സമാപിക്കും.