പറവൂർ: സമസ്ത കേരള സാഹിത്യ പരിഷത്തും മൂത്തകുന്നം എസ്.എൻ.എം ട്രെയ്നിംഗ് കോളേജും സംഘടിപ്പിക്കുന്ന സുകുമാർ അഴിക്കോട് ജന്മശതാബ്ദി ആഘോഷം ഇന്ന് രാവിലെ 10 മണിക്ക് കോളേജിൽ നടക്കും. എഴുത്തച്ഛൻ പുരസ്കാര ജേതാവ് എസ്.കെ. വസന്തൻ ഉദ്ഘാടനം ചെയ്യും. സാഹിത്യ പരിഷത്ത് അദ്ധ്യക്ഷൻ സി. രാധാകൃഷ്ണൻ അദ്ധ്യക്ഷനാകും. എൻ.എം. പിയേഴ്സൺ മുഖ്യപ്രഭാഷണം നടത്തും. ഡോ. ടി.എസ്. ജോയി, കെ.വി. അനന്തൻ, കെ.എസ്. ബാലസുബ്രഹ്മണ്യം, സിപ്പി പള്ളിപ്പുറം, ഡി. മധു, പ്രൊഫ. ഡോ. പി.എസ്. സുസ്മിത, ഡോ. കെ.എസ്. കൃഷ്ണകുമാർ, ഡോ. നെടുമുടി ഹരികുമാർ, ഡോ. അജിതൻ മേനോത്ത് എന്നിവർ സംസാരിക്കും.