• രണ്ടുപേർക്ക് കടി​യേറ്റു, വി​ദ്യാർത്ഥി​കൾ ഭീതിയി​ൽ

കൊച്ചി: പൂത്തോട്ട പുത്തൻകാവ് കെ.പി.എം ഹൈസ്കൂളിന് സമീപത്ത് എം.എൽ.എ റോഡിൽ കമ്പിവേലിക്കകത്തേക്കുള്ള റോഡിൽ തെരുവുനായശല്യം അതിരൂക്ഷം. സ്കൂൾ വിദ്യാർത്ഥികൾ നായകളെ പേടിച്ച് വഴിമാറിപ്പോകേണ്ട അവസ്ഥയിലാണ്. രണ്ടാഴ്ചയ്ക്കകം ഒരുകുട്ടിയെ ഉൾപ്പെടെ നിരവധി പേരെ നായകൾ ആക്രമിച്ചു. രണ്ടുപേർക്ക് കടിയേറ്റു. നായശല്യത്തെക്കുറി​ച്ച് ഉദയംപേരൂർ പഞ്ചായത്തി​ൽ നേരി​ട്ടും രേഖാമൂലവും പരാതി​കൾ നൽകി​യി​ട്ടുണ്ടെങ്കി​ലും നടപടി​കൾ ഉണ്ടായി​​ല്ലെന്നും പരാതി​യുണ്ട്. ഒമ്പതാം വാർഡി​ലാണ് ഈ പ്രദേശം.

25 ഓളം നായകളാണ് കുറച്ചുനാളുകളായി ഇവിടെ തമ്പടിച്ചിട്ടുള്ളത്. ഇവിടുത്തെ ഒരു താമസക്കാരൻ ഭക്ഷണം കൊടുക്കുന്നതാണ് കാരണമെന്ന് പരിസരവാസികൾ പറയുന്നു. തിങ്കളാഴ്ച രാവിലെ ബൈക്കിൽ സഞ്ചരിച്ച പൂത്തോട്ട പുത്തൻകാവ് ശ്രീവത്സത്തിൽ എ.കെ. സാബുവി​നെ (64) നായകൾ ആക്രമിച്ചു. കടി​കളേറ്റ സാബു കോട്ടയം മെഡി​ക്കൽ കോളേജി​ൽ ചി​കി​ത്സതേടി​. പേവി​ഷബാധ പ്രതിരോധിക്കാനുള്ള കുത്തി​വയ്പ്പുമെടുത്തു. ഭാഗ്യത്തി​നാണ് ബൈക്ക് അപകടത്തി​ൽപ്പെടാതി​രുന്നത്.

കെ.പി​.എം സ്കൂളി​ലെ നൂറുകണക്കി​ന് വി​ദ്യാർത്ഥി​കൾ സഞ്ചരി​ക്കുന്ന റോഡാണി​ത്. ഇപ്പോൾ രക്ഷകർത്താക്കൾ ഒപ്പം വരി​കയോ ഓട്ടോകളി​ൽ കയറ്റിവി​ടുകയോ ഇരട്ടി​യി​ലേറെ ദൂരം മറ്റു വഴി​കളെ ആശ്രയിച്ചോ ആണ് വി​ദ്യാർത്ഥി​കളുടെ സഞ്ചാരം.

ഭാഗ്യം കൊണ്ടാണ് രക്ഷപ്പെട്ടത്. അപ്രതീക്ഷിതമായി നായകൾ കൂട്ടംചേർന്ന് ആക്രമിച്ചു. ഒരു നായ തുരുതുരെ കടിച്ചു. ഇവയുടെ ശല്യം ഒഴിവാക്കാൻ അടിയന്തര നടപടി വേണം. സ്കൂൾ കുട്ടികൾ എപ്പോൾ വേണമെങ്കിലും ആക്രമിക്കപ്പെടാം.

എ.കെ.സാബു

ഇവിടെ നായശല്യം രൂക്ഷമാണ്. വന്ധ്യംകരിച്ച് തിരികെ കൊണ്ടുവന്നു വിട്ടതാണ് ഇവയെ. പ്രദേശവാസി ഭക്ഷണം നൽകുന്നത് കൊണ്ടാണ് നായകൾ ഇവിടെ കേന്ദ്രീകരിക്കുന്നത്. നായശല്യം ഒഴിവാക്കാനുള്ള നടപടികൾ ഉണ്ടാകും.

എ.എസ്. കുസുമൻ

വാർഡ് അംഗം, ഉദയംപേരൂർ പഞ്ചായത്ത്.