പെരുമ്പാവൂർ: കുട്ടികൾക്ക് ശരീര സുരക്ഷയെക്കുറിച്ചും മറ്റുള്ളവരുമായി ഇടപെടുമ്പോൾ ഉള്ള പരിധികളെക്കുറിച്ചും പഠിപ്പിക്കുന്നതിനായി കോടനാട് ബസേലിയോസ് പബ്ലിക് സ്കൂളിൽ "ബാഡ് ടച്ച് ഗുഡ് ടച്ച് കാമ്പയിൻ" ആരംഭിച്ചു. അനുചിതമായ സ്പർശം തിരിച്ചറിയാനും അതിനോട് എങ്ങനെ പ്രതികരിക്കണമെന്നും കുട്ടികളെ പഠിപ്പിക്കുക എന്നതാണ് ലക്ഷ്യം. കൂവപ്പടി ​പഞ്ചായത്ത് പ്രസിഡന്റ് മായാ കൃഷ്ണകുമാർ ക്യാമ്പയിൻ ഉദ്ഘാടനം ചെയ്തു. മാനേജർ തോമസ് പോൾ റമ്പാൻ, പ്രിൻസിപ്പൽ ബിജി വി. ജോൺ, പ്രസന്നകുമാരി പി, റിയ വർഗീസ്, മഞ്ജു പി.ടി എന്നിവർ സംസാരിച്ചു.