പറവൂർ: മൂത്തകുന്നം എസ്.എൻ.എം ട്രെയ്നിംഗ് കോളേജും സമസ്ത കേരള സാഹിത്യ പരിഷത്തും സംയുക്തമായി സംഘടിപ്പിക്കുന്ന സുകുമാർ അഴിക്കോട് ജന്മശതാബ്ദി ആഘോഷം എഴുത്തച്ഛൻ പുരസ്കാര ജേതാവ് എസ്.കെ. വസന്തൻ ഉദ്ഘാടനം ചെയ്തു. സാഹിത്യ പരിഷത്ത് വൈസ് പ്രസിഡന്റ് ഡോ. ടി.എസ്. ജോയി അദ്ധ്യക്ഷനായി. എൻ.എം. പിയേഴ്സൺ മുഖ്യപ്രഭാഷണം നടത്തി. എച്ച്.എം.ഡി.പി സഭ പ്രസിഡന്റ് കെ.വി. അനന്തൻ, സെക്രട്ടറി കെ.എസ്. ബാലസുബ്രഹ്മണ്യം, ബാലസാഹിത്യകാരൻ സിപ്പി പള്ളിപ്പുറം, കോളേജ് മാനേജർ ഡി. മധു, പ്രിൻസിപ്പൽ പ്രൊഫ. ഡോ. പി.എസ്. സുസ്മിത, സ്റ്റാഫ് സെക്രട്ടറി ഡോ. കെ.എസ്. കൃഷ്ണകുമാർ, സാഹിത്യ പരിഷത്ത് ജനറൽ സെക്രട്ടറി ഡോ. നെടുമുടി ഹരികുമാർ, ട്രഷറർ ഡോ. അജിതൻ മേനോത്ത് എന്നിവർ സംസാരിച്ചു. സുകുമാർ അഴീക്കോടിന്റെ ഗ്രന്ഥങ്ങളുടെയും മൂത്തകുന്നം എസ്.എൻ.എം കോളേജിൽ പ്രിൻസിപ്പലായ കാലത്തെ ഫോട്ടോകളുടെ പ്രദർശനവും നടന്നു.