മൂവാറ്റുപുഴ: എസ്.എൻ.ഡി.പി യോഗം മൂവാറ്റുപുഴ യൂണിയന് കീഴിലുള്ള ശ്രീകുമാര ഭജന ദേവസ്വം ക്ഷേത്രത്തിൽ വിനായക ചതുർത്ഥി ആഘോഷം വിവിധ പരിപാടികളോടെ നടത്തി. പ്രത്യേകം തയ്യാറാക്കിയ യാഗശാലയിൽ രാവിലെ 6 മുതൽ ക്ഷേത്രം മേൽശാന്തിയുടെ മുഖ്യ കാർമ്മികത്വത്തിൽ 1008 നാളികേരം കൊണ്ട് അഷ്ടദ്രവ്യത്തിൽ മഹാവിഘ്നേശ്വര ഹവനം നടന്നു. ചടങ്ങിന് യൂണിയൻ പ്രസിഡന്റ് വി.കെ. നാരായണൻ , സെക്രട്ടറി അഡ്വ. എ.കെ.അനിൽകുമാർ, ക്ഷേത്രം കമ്മിറ്റി കൺവീനർ പി.വി. അശോകൻ എന്നിവർ നേതൃത്വം നൽകി.